Ebre 11:10 - Labib An Kreol Seselwa

¹⁰ Annefe, Abrahanm ti pe esper sa lavil ki annan fondasyon solid, sa enn ki Bondye i li menm arsitek e konstrikter.

Ebre 11:10 交叉參考

Ebre 13:14

Annefe, nou demer lo sa later pa pou dire pour touzour; nou pe rod sa lavil ki dan lavenir.

Filipyen 3:20

Me nou, nou bann sitwayen lesyel, ki pe esper avek enpasyans nou Sover, Senyer Zezi-Kri ki pou retournen sorti dan lesyel.

Ebre 12:22

Me zot, o kontrer, zot in apros montanny Siyon, lavil Bondye ki vivan, Zerizalenm ki dan lesyel, avek son bann mil milyon lanz dan rasanbleman lafet.

2 Korentyen 5:1

Nou konnen annefe, si sa latant kot nou pe viv ladan lo later i ganny detri, nou annan dan lesyel en gran lakaz konstri par lanmen Bondye, pa par lanmen zonm, e ki eternel.

Ebre 3:4

Annefe, tou lakaz i bezwen annan en konstrikter; e konstrikter tou keksoz, se Bondye.

Levanzil dapre Zan 14:2

I annan bokou landrwa reste dan lakaz mon Papa. Si sa pa ti vre, eski mon ti ava dir zot, mon pe al prepar en plas pour zot?

Revelasyon 21:2

Mon ti war lavil sen desann sorti dan lesyel kot Bondye, nouvo Zerizalenm ki ti'n dekore parey en nouvel marye abiye pour son mari.

Ebre 12:28

Alor, akoz nou pe resevwar en rwayonm ki pa kapab ganny sekwe, annou an rekonesans, servi Bondye dan en mannyer ki fer li plezir, avek soumisyon e avek respe.

Ezai 14:32

Ki larepons fodre donn mesaze bann nasyon? SENYER in etabli Siyon. Bann malere parmi son pep i an sekirite kot li.

Ebre 11:16

An realite, zot ti pe esper enn pli meyer, setadir, lesyel menm. Pour sa rezon, Bondye pa onte pour ganny apele zot Bondye, akoz i'n prepar en lavil pour zot.