Ebre 1:6 - Labib An Kreol Seselwa

⁶ Par kont, kan Bondye ti anvoy son lene Garson dan lemonn, i ti deklare: Tou bann lanz Bondye ava ador li.

Ebre 1:6 交叉參考

Kolosyen 1:18

I latet sa lekor, ki son Legliz; li menm konmansman, lene parmi bann ki'n resisite, pour li vin premye dan tou keksoz.

Deterononm 32:43

Bann nasyon! Aklanm son pep, akoz SENYER pou vanz disan son bann serviter e son vanzans pou tonm lo son bann ladverser. I ava fer peye sa bann ki ay li e pirifye later son pep.

Psonm 97:7

Zot devre onte, zot ki ador zidol, zot ki fyer avek zot bann zidol initil. Tou sa bann zidol i prosternen devan SENYER.

Kolosyen 1:15

Kris i zimaz vizib Bondye ki envizib. I lene dan kreasyon antye.

1 Pyer 3:22

ki'n mont dan lesyel. I'n asiz dan kote drwat Bondye, kot bann lanz ek tou lotorite ek pwisans dan lesyel in ganny soumet avek li.

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Revelasyon 1:5

e delapar Zezi-Kri, temwen fidel, premye ne parmi bann mor, sef parmi bann lerwa later. Zezi-Kri i kontan nou. Par son disan, i'n delivre nou avek tou nou bann pese.

Romen 8:29

Annefe, tou bann ki Bondye in swazir davans, in osi deside davans pour rann zot parey son Garson. Konmsa, son Garson i vin lene parmi en kantite frer.

1 Zan 4:9

La ki mannyer Bondye in montre son lanmour pour nou: In anvoy son sel Garson dan lemonn, pour ki par li, nou ganny lavi.

Levanzil dapre Zan 1:18

Personn pa'n deza war Bondye. Me sa enn ki'n fer konn li, se Bondye, son sel Garson, ki dan leker son Papa.

Ebre 10:5

Se pour sa rezon, kan Kris ti pe vin dan lemonn, i ti dir Bondye: Ou pa oule ni sakrifis, ni lofrann, me ou'n prepar en lekor pour mwan.

Levanzil dapre Zan 3:16

Annefe, Bondye in telman kontan lemonn ki i'n donn son sel Garson, pour ki nenport ki, ki krwar dan li, pa pou mor, me i ava ganny lavi eternel.

Ebre 1:5

Annefe, avek lekel lanz, Bondye in deza dir: Ou mon garson, Ozordi, mon'n vin ou Papa? Zanmen Bondye in dir avek enn son bann lanz: Mon ava vin en Papa pour li, e i ava vin en Garson pour mwan.

Matye 24:14

Sa Bonn Nouvel Rwayonm pou ganny anonse partou dan lemonn, pour ki tou dimoun i tande. Apre sa, lafen pou arive.”