Deterononm 34:4 - Labib An Kreol Seselwa

⁴ SENYER ti dir li, “Sanmenm sa pei ki mon ti'n promet Abrahanm, Izaak ek Zakob ler mon ti dir zot: Mon pou donn ou desandans sa pei. Mon'n fer ou war sa pei avek ou prop lizye, me ou pa pou antre.”

Deterononm 34:4 交叉參考

Zenez 12:7

SENYER ti aparet avek Abranm. I ti dir li, “Mon pou donn sa pei ou desandans.” Abranm ti konstri en lotel la, pour SENYER ki ti'n aparet avek li.

Zenez 13:15

Mon pou donn ou avek ou desandans pour touzour, sa pei antye ki ou war devan ou.

Zenez 17:8

Mon pou donn ou ek ou desandans apre ou, sa pei ki ou pe okipe koman en etranze. Pei Kanaan antye pou vin zot posesyon pour touzour; e mon pou vin zot Bondye.”

Zenez 26:3

Reste dan sa pei koman en etranze e mwan, mon pou avek ou, mon pou beni ou, akoz mon pou donn ou ek ou desandans sa bann pei. Mon pou gard serman ki mon ti fer avek ou papa, Abrahanm.

Zenez 28:13

SENYER ti pe debout devan li. I ti dir li, “Mwan menm SENYER, Bondye Abrahanm ou papa e Bondye Izaak. Mon pou donn ou ek ou desandans sa later kot ou pe dormi.

Nonm 20:12

Alor, SENYER ti dir Moiz ek Aaron: Akoz zot pa'n krwar dan mwan pour montre mon sentete devan pep Izrael, pa zot ki pou fer antre sa pep dan sa pei ki mon'n promet zot.

Levanzil dapre Zan 1:17

Bondye ti donn nou son Lalwa atraver Moiz, me se par Zezi-Kri ki nou'n ganny lagras ek laverite.

Deterononm 1:37

SENYER ti menm ankoler kont mwan akoz zot. I ti dir: Ou osi, ou pa pou antre.

Deterononm 1:8

La, mon met sa pei devan zot; ale e pran posesyon sa pei ki SENYER in promet zot bann zanset, Abrahanm, Izaak ek Zakob ek zot bann desandans apre zot.

Deterononm 32:52

Ou ava kapab war sa pei devan ou; me ou pa pou antre dan sa pei ki mon pe al donn bann Izraelit.

Zozye 21:43

SENYER ti donn bann Izraelit sa pei antye parey i ti'n promet zot zanset. Zot ti pran posesyon sa pei kot zot ti etabli zot.

Ziz 1:16

Bann desandan bann Kenit, boper Moiz, ek bann zanfan Zida, ti kit lavil bann Palmye ki dan dezer Negev, Sid avek Arad, pour zot vin reste parmi lepep.