Deterononm 29:29 - Labib An Kreol Seselwa

²⁹ Zis SENYER, nou Bondye ki konn bann keksoz sekre. Sa ki'n ganny revele i pour nou e pour nou bann zanfan pour touzour, pour ki nou met an pratik tou bann parol sa lalwa.

Deterononm 29:29 交叉參考

Danyel 2:22

I revel bann keksoz ki profon e bann ki sekre, I konnen sa ki kasyet dan fernwanr, akoz i antoure avek lalimyer.

Akt de Zapot 1:7

Zezi ti dir zot, “I pa neseser pour zot konn letan ek moman ki mon Papa in fikse par son prop desizyon.

Matye 13:11

Zezi ti reponn, “Avek zot, sekre Rwayonm Bondye in ganny revele. Me sa sekre pa ankor ganny revele avek sa bann.

1 Korentyen 2:16

Annefe, parey Lekritir i deklare: Lekel ki konn panse Senyer? Lekel ki kapab donn li konsey? Me nou, nou annan panse Kris.

Psonm 25:14

SENYER i konfye son bann sekre avek sa enn ki obei li. I ava fer li konn son lalyans.

Amos 3:7

Annefe, Senyer BONDYE pa fer nanryen, san revel son plan avek son bann serviter, bann profet!

2 Timote 3:16

Tou Lekritir i enspire par Bondye e i itil pour ansennyen, pour koriz lerer, pour remet drwat, e pour form en bon mannyer viv.

Danyel 4:9

Beltasar, sef bann mazisyen, mon konnen ki ou annan dan ou lespri bann bondye sen; pour ou, napa okenn mister ki tro difisil. Donn mwan lenterpretasyon mon rev.

Zeremi 23:18

Me, lekel parmi sa bann profet ki'n deza konn sa ki SENYER i mazinen dan sekre? Lekel parmi zot in deza tande, oubyen konpran sa ki SENYER i dir?

Matye 13:35

pour ki parol profet i ganny realize: Mon pou koz an parabol. Mon pou anons sa ki'n reste sekre depi kreasyon lemonn.

Levanzil dapre Zan 15:15

Mon nepli apel zot serviter, akoz en serviter pa konnen sa ki son met i fer. Me mon apel zot zanmi, akoz mon'n dir zot tou sa ki mon Papa i'n dir mwan.

Ezai 8:20

Konsilte lalwa ek bann temwannyaz! Si zot pa pe eksprim dapre sa parol, Napa lespwar lalimyer en nouvo zour pour lepep.

Proverb 3:32

akoz SENYER i deteste sa enn ki fourb; me i partaz son bann sekre avek sa enn ki drwat.

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Deterononm 6:7

Ou ava ansenny zot avek ou bann zanfan. Ou ava koz lo zot ler ou dan lakour, ler ou pe marse lo semen, ler ou pe al dormi e ler ou reveye.

Levanzil dapre Zan 20:31

Me sa bann keksoz ki la in ganny ekri pour ki zot krwar ki Zezi i li menm Mesi, Garson Bondye. Si zot krwar dan li, zot ava ganny lavi par son non.

Deterononm 30:2

si ou retourn ver SENYER, ou Bondye, ou, avek ou bann zanfan, e obei li avek ou leker, avek ou et antye, egzakteman parey mon pe ordonn ou ozordi,

2 Timote 1:5

Mon rapel ou lafwa senser, sa lafwa ki ou gran manman Lois ek ou manman Enis ti posede avan ou, e ki aprezan, mon sir, ou osi, ou posede.

Levanzil dapre Zan 21:22

Zezi ti dir li, “Si mon oule ki i viv ziska ki mon retournen, ki sa i fer ou? Ou, swiv mwan!”

Levanzil dapre Zan 5:39

Zot etidye Lekritir akoz zot mazinen ki zot ava trouv lavi eternel ladan. Zisteman, Lekritir menm ki rann temwannyaz dan mon faver.

Akt de Zapot 17:11

Bann zabitan ti annan en pli bon santiman ki bann Zwif Tesalonik: Zot ti resevwar Parol Bondye avek bokou lentere. Tou le zour zot ti etidye Lekritir pour war si sa ki Pol ti dir zot, ti vre.

Zenez 41:16

Zozef ti reponn Faraon, “Pa mwan, me Bondye ki ava donn ou en lenterpretasyon favorab ou rev.”

Proverb 25:2

Nou onor Bondye pour gard keksoz sekre. Nou onor lerwa pour dekouver sa ki sekre.