Deterononm 28:65 - Labib An Kreol Seselwa

⁶⁵ Ou pa pou ganny latrankilite parmi sa bann nasyon; ou pa pou ganny okenn landrwa pour poz ou lipye. La, SENYER ava rann ou enkyet, tris e ou ava tonm dan dezespwar.

Deterononm 28:65 交叉參考

Levitik 26:36

Pour sa bann ki ava'n reste dan pei, mon pou anvoy dekourazman lo zot dan pei zot bann lennmi. Tapaz en fey ki tonbe pou fer zot per. Zot pou sove konmsi zot ti pe sov lennmi. Zot pou tonbe menm si personn pa ti pe pourswiv zot.

Romen 11:10

Zot lizye pou vin sonm, zot pa pou war kler, e zot ledo ava reste kourbe pour touzour.

Amos 9:4

Si zot bann lennmi i deport zot, mon pou donn lord touy zot. Mon lizye pou reste fikse lo zot, pour zot maler, pa pour zot boner.

Levitik 26:16

la sa ki mon pou fer zot: Mon pou anvoy maler, maladi enkirab ek lafreyer lo zot. Zot pou vin aveg e zot pou deperi. Zot ava senm legren anven, akoz zot lennmi ki pou rekolte.

Zenez 8:9

Me sa pizon pa ti war landrwa pour li apoze, akoz ti ankor annan delo partou lo later. Alor, i ti retourn kot Noe dan lars. Noe ti met son lanmen deor e fer li antre.

Levanzil dapre Lik 21:26

Zonm pou perdi konnesans avek lafreyer, ler zot ava mazin sa ki pou arive lo later. Annefe, bann pwisans dan lesyel pou dekontrole.

Matye 24:8

Tou sa bann levennman pou zis parey bann premye douler lakousman.

Habakouk 3:16

Mon tande e mon tranble dan mwan menm; sa tapaz i fer mon lalev tranble; mon bann lezo pe pouri; mon lazanm i tranble. Dan silans, mon atann zour maler, pour fer fas avek sa pep ki vin atak nou.

Lamantasyon 3:65

Pini zot, fer zot perdi lespwar.

Ezai 65:14

Mon bann serviter pou sante avek lazwa dan zot leker; me zot, zot pou kriye avek douler dan zot leker; zot pou irle avek en lespri angwase.

Ezai 57:21

Napa okenn lape pour bann malfeter, mon Bondye i deklare.

Ezai 51:17

Leve! Leve! Debout, Zerizalenm! Ou ki'n bwar dan lanmen SENYER, lakoup son lakoler; ou ki'n bwar ziska lanmar, lakoup ki fer ou drive.

Deterononm 28:66

Ou lavi pou touzour an danze. Lizour koman aswar, ou pou viv dan lafreyer e enkyet pour ou legzistans.

Liv Zob 11:20

Me lizye bann malfeter pou fatige. Zot pa pou war okenn semen sove. Lanmor pou zot dernyen lespwar.

Lamantasyon 1:3

Popilasyon Zida i annegzil; i'n ganny kraze avek lanmizer. I pe asiz parmi bann nasyon san trouv okenn repo. Son bann lennmi in anserkle li, napa semen pour zot sove.

Lamantasyon 5:17

La rezon akoz nou leker i malad. La rezon akoz nou pa war byen kler: