Deterononm 28:50 - Labib An Kreol Seselwa

⁵⁰ I ava en nasyon avek en figir dir ki pa pou annan okenn respe anver bann vyeyar, ni pran pitye pour bann ki pli zenn.

Deterononm 28:50 交叉參考

Ezai 47:6

Mon ti ankoler kont mon pep. Mon ti'n dezonor mon patrimwann; mon ti livre zot dan ou lanmen. Ou pa'n montre okenn konpasyon pour zot; ou'n plas en fardo byen lour lo ledo bann vyeyar.

2 Kronik 36:17

Alor, SENYER ti livre zot dan lanmen lerwa Babilonyen ki ti atak zot pei. I ti masakre bann zennzan dan sanktyer, san okenn pitye pour personn: Ni zennzan, ni zenn fiy, ni adilt, ni vyeyar. I ti livre zot dan lanmen lerwa Babilonn.

Levanzil dapre Lik 19:44

Zot pou kraz ou ek tou ou bann zanfan. Pa en sel ou bann ros pou reste an plas, akoz ou pa ti rekonnet letan Bondye ti vini, pour li sekour ou.”

Oze 13:16

Samari pou pey konsekans son krim, akoz in revolte kont Bondye. Zot pou ganny masakre; pti baba pou ganny kraze; fanm ansent pou ganny ouver vant.

Danyel 8:23

Alafen zot renny, kan pese ava'n tous son pli o nivo, en lerwa arogan e rize pou leve.

Danyel 7:7

Apre sa, mon ti kontinyen regard tou sa ki ti dan mon vizyon dan lannwit. Mon ti war en katriyenm bebet. I ti terib e fer per. I ti annan en lafors ekstraordiner. I ti annan bann gran ledan an fer e i ti pe devor tou, kas tou an morso, e kraz anba son lipye tou sa ki reste. I ti diferan avek lezot bebet avan li. I ti annan dis korn.

Eklezyas 8:1

Lekel sa zonm saz ki konn lenterpretasyon sa bann keksoz? Lasazes en zonm i met en sourir lo son vizaz e fer disparet pli lo son figir.

Proverb 7:13

Sa fanm ti may li, anbras li e san pider, ti dir li:

Deterononm 28:51

Sa nasyon ava manz prodwi ou bann troupo, prodwi ou later, ziska ki ou ganny detri. I ava les ou san semans, diven, delwil, ni zenn bef, ni zenn mouton, ni zenn kabri, ziska ki i'n fer ou disparet.

Ezai 33:19

Ou pou nepli war bann arogan, sa pep ki koz en lalang ki ou pa kapab sezi, ki koz dan en lalang ki ou pa kapab konpran.

Zeremi 21:7

SENYER ti deklare: Kanta Sedesyas, lerwa Zida ek son bann sef ek tou dimoun ki'n sirviv lafanmin, lepe ek lepidemi, mon pou livre zot dan lanmen lerwa Naboukodonozor ek bann lennmi ki oule touy zot. Naboukodonozor pou masakre zot tou. I pa pou eparny personn, ni montre konpasyon oubyen pitye anver personn.