Deterononm 28:23 - Labib An Kreol Seselwa

²³ Lesyel lo ou latet ava parey en twa an bronz e later anba ou lipye ava vin dir parey feray.

Deterononm 28:23 交叉參考

Levitik 26:19

Mon pou detri lorgey zot lafors e mon pou fer zot lesyel vin dir koman fer e zot later koman kwiv.

1 Rwa 18:2

Alor, Eli ti al prezant li devan Akab. Lafanmin ti terib dan Samari.

1 Rwa 17:1

Eli, ki ti sorti Tisbit, enn bann zabitan Galaad, ti dir Akab, “Par SENYER Bondye Izrael ki vivan, mwan son serviter mon dir ou: Dan bann lannen ki pe vini, pou napa laroze, ni lapli ziska ler mon dir.”

Amos 4:7

Mon'n anpes lapli tonbe depi trwa mwan avan rekolt. Mon'n fer lapli tonm lo en lavil me pa lo en lot lavil. Lapli in tonm lo en plantasyon me sa enn ki pa'n ganny lapli, in sek.

Deterononm 28:22

SENYER ava fer ou soufer deperisman, lafyev, lanflanmasyon, gro lasaler ek lasesres, gro divan so e maladi pou tonm lo ou bann plantasyon. Tousala ava pourswiv ou ziska ki ou ava disparet.

Deterononm 28:24

Olye lapli lo ou later, SENYER pou fer tonm lapousyer. Zis lapousyer ki pou tonm lo ou depi lesyel, ziska ki ou ava ganny detri.

Agze 1:10

Pour sa rezon, lesyel pa'n donn zot son laroze e later pa'n prodwi son fri.