Deterononm 28:20 - Labib An Kreol Seselwa

²⁰ SENYER pou anvoy kont ou malediksyon, lafreyer ek fristrasyon dan tou sa ki ou ava esey antreprann, ziska ki ou ava ganny detri e disparet konpletman, akoz ou bann move aksyon, akoz ou'n abandonn mwan.

Deterononm 28:20 交叉參考

Malasi 2:2

Si zot pa ekout mwan, e zot pa pran ka pour glorifye mon non dan sa ki zot fer, alor mon pou devers malediksyon lo zot, SENYER ki deklare. Mon pou sanz mon benediksyon an malediksyon. Annefe, mon'n fini modi zot, akoz zot pa pe pran mon lord aker.

Ezai 66:15

Annefe, dan dife ki SENYER pe vini; son bann kales i parey en siklonn; pour satisfer son gran lakoler, i pini zot dan laflanm dife.

Ezai 51:20

Ou bann zanfan in tonm feb; zot in tale dan tou kwen semen parey en antilop ki'n ganny pri dan en latrap; lakoler SENYER in menas zot. Bondye in rezet zot.

Deterononm 4:26

ozordi, mon pran lesyel ek later pour temwen kont zot: Zot pou toudswit disparet dan sa pei ki zot pe al pran posesyon ler zot ava'n travers larivyer Zourden.

Levanzil dapre Zan 3:36

Sa enn ki krwar dan son Garson, i ganny lavi eternel. Sa enn ki pa obei son Garson pa pou ganny sa lavi, me i ekspoz li anba lakoler Bondye.”

Ezai 30:17

Anba menas en sel zonm, 1,000 pou sove. Anba senk zonm, zot tou zot pou sove ziska ler zot ava parey en ma lo montanny, parey en bannyer lo latet montanny.

Ezai 28:19

Sak fwa ki i pou pase, i pou trenn ou; ler i pou pase, granmaten, lizour, lannwit, son mesaz pou ranpli ou avek lafreyer.

Zozye 23:16

Si zot pa respekte lalyans ki SENYER, zot Bondye ti fer pour zot, si zot al servi lezot bondye e al prostern devan zot, SENYER pou ankoler kont zot, e zot pou tre vit disparet dan sa bon pei ki i'n donn zot.”

Levitik 26:38

Zot pou mor parmi bann nasyon etranze e pei zot bann lennmi ava devor zot.

1 Tesalonisyen 2:16

Annefe, zot in esey anpes nou anons avek bann ki pa Zwif sa mesaz ki pou sov zot. Konmsa, zot in kontinyen ranpli zot avek pese e zot in menm depas limit. Ensi, lakoler Bondye in finalman tonm lo zot.

Psonm 7:11

Bondye i en ziz ki zis; i endinyen sak zour.

1 Samyel 14:20

Apre, Sail ek son bann zonm ti rasanble e avans kot lager ti pe pase. La, zot ti'n viz zot zarm kont kanmarad e ti annan en gran konfizyon.

Deterononm 28:8

Benediksyon SENYER, ou Bondye ava avek ou bann provizyon ki ou'n anmase, e avek tou sa ki ou ava antreprann. I ava beni ou dan sa pei ki SENYER, ou Bondye pe donn ou.

Zeremi 1:16

Konmsa ki mon pou pini bann zabitan sa pei, pour tou zot mesanste. Zot in abandonn mwan; zot in ofer sakrifis devan lezot bondye; zot in fabrik bann fo bondye ki zot in adore.

Zeremi 19:4

Annefe, bann zabitan Zida in abandonn mwan. Mon pa rekonnet sa landrwa ki zot in profannen avek zot bann sakrifis an loner bann fo bondye, bann fo bondye ki ni zot, ni zot zanset, ni bann lerwa Zida pa'n zanmen konnen. Zot in ranpli sa plas avek disan dimoun inosan.

Ziz 2:15

Parey SENYER ti'n dir, e par en serman, sak fwa zot ti sorti pour fer lager, lanmen SENYER ti kont zot ti tonm dan maler. Alor, zot ti dan en gran detres.

Liv Zob 24:18

Ou, ou dir: Bann malfeter i ganny anporte dapre kouran; zot par lo later in ganny modi; personn pa al travay dan plantasyon rezen.