Deterononm 24:1 - Labib An Kreol Seselwa

¹ Sipoze en zonm i pran en fanm e i marye avek li. Apre, sa fanm nepli fer li plezir, oubyen i'n dekouver keksoz ki pa satisfer li. Alor, i ava ekri en atestasyon divors ki i ava donn li dan son lanmen e fer li ale. Alor, sa fanm ava kit lakaz sa zonm.

Deterononm 24:1 交叉參考

Zeremi 3:8

In osi war sa ki'n arive avek rwayonm Izrael kan i ti tourn kont mwan. Akoz in komet adilter, mon'n divorse avek li e mon'n sas li. Malgre sa, Zida, son swadizan ser, sa tret, pa'n per mon pinisyon, e li osi, in al dan prostitisyon.

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Deterononm 22:29

sa zonm ki'n dormi avek li ava pey papa sa zenn fiy 50 pyes larzan e sa fiy ava vin son fanm. Annefe, sa zonm in vyol li e i pa pou kapab divors li tan ki i vivan.

Deterononm 22:19

Akoz in gat repitasyon en vyerz dan Izrael, i ava ganny kondannen 200 pyes larzan ki i ava donn papa sa zenn fanm. I ava reste fanm sa zonm ki pa pou annan drwa divors li pandan tou son lavi.

Deterononm 22:13

Si en zonm i marye avek en fanm, i dormi avek li, me apre i aret kontan li.

Deterononm 24:3

Sipoze sa dezyenm zonm osi pa kontan li e ki i donn li dan son lanmen en atestasyon divors, e fer li ale. Sipoze ki sa dezyenm zonm i mor.

Egzod 21:10

Si i pran en dezyenm fanm, i devre kontinyen donn li menm kantite manze, lenz, ek tou bann menm drwa parey avan.

Levanzil dapre Lik 16:18

En zonm ki divors son fanm e ki marye avek en lot i komet adilter, e en zonm ki marye avek en fanm divorse, li osi, i komet adilter.”

Matye 1:19

Zozef, son mari, ti en zonm zis. Pour li pa dezonor Mari piblikman, i ti deside kas fiyansay an sekre.

Malasi 2:16

Mon ay divors, SENYER Bondye Izrael i deklare. Mon pa kontan kan zot komet sa aksyon vyolan anver zot fanm, SENYER liniver i deklare. Alor, fer atansyon ki personn pa kas son promes fidelite.

Deterononm 21:15

Sipoze en zonm i annan de fanm, i kontan enn, me i pa kontan lot. Si son premye garson i avek sa fanm ki i pa kontan.

Nonm 5:12

Dir pep Izrael: Si en fanm marye i tronp son mari,

Nonm 5:28

Me si sa fanm pa'n dezonor son lekor e ki i pir, i ava ganny deklare inosan e i ava kapab fer zanfan.

Deterononm 24:2

I ava kapab marye avek en lot zonm.

Zeremi 3:1

La sa ki SENYER i deklare: Kan en zonm i divorse avek son fanm, e sa fanm i kit li pour en lot zonm, son mari pou kapab repran li ankor? Si i fer sa, pa i pe rann pei enpir? Sa ki Izrael in fer: In prostitye li avek en kantite lanmoure. Aprezan i oule retourn kot mwan!