Deterononm 23:18 - Labib An Kreol Seselwa

¹⁸ Ou pa pou anmenn dan tanp SENYER, ou Bondye, okenn larzan prostitisyon koman en lofrann remersiman pour nenport ki ve. Tousala i degoutan devan SENYER, ou Bondye.

Deterononm 23:18 交叉參考

Filipyen 3:2

Fer atansyon sa bann malfeter, sa bann move zouvriye ki parey bann lisyen; sa bann zouvriye ki donn tro lenportans lo sirkonsizyon.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!

Matye 7:6

Pa donn avek lisyen sa ki pour Bondye. Zot kapab retourn kont ou e desir ou. Pa zet ou bann perl devan bann koson. Zot kapab pil lo la.

2 Pyer 2:22

Sa ki'n ariv zot i parey sa ki sa proverb i dir: Lisyen in retourn dan son vomi. Oubyen ankor: Koson ki'n fek fini ganny lave, in retourn dan son labou.

Habakouk 1:13

Ou lizye i tro pir pour kontanple lemal. Ou pa kapab get maler, pourtan, ou get bann tret san dir nanryen. Kan bann malfeter i detri bann pli zis ki zot, akoz ou reste trankil?

Ezekyel 16:33

Bann prostitye i resevwar kado, tandis ki ou, se ou ki ofer kado ou bann galan. Ou peye pour zot vini, sorti dan tou kote, pour dormi avek ou.

Ezai 61:8

Mwan SENYER, mon kontan lazistis; mon deteste vol ek tou aksyon enzis. Pour sa rezon, dan mon fidelite, mon pou rekonpans zot dapre zot merit e mon pou etabli en lalyans eternel avek zot.

Proverb 26:11

En fou ki repet son betiz, i parey en lisyen ki retourn kot son vomi.

Psonm 22:16

En group malfeter in antour mwan; zot parey en group lisyen ki'n anserkle mwan. Zot in pers mon lanmen ek mon lipye.

Deterononm 23:21

Ler ou fer en ve anver SENYER, ou Bondye, pa tarde pour ou akonpli li, akoz SENYER, ou Bondye ava sertennman demann ou kont e ou ava pe komet en pese.

Levitik 18:22

Ou pa pou dormi avek en zonm parey ou dormi avek en fanm. Sa i degoutan.

Malasi 1:14

Bondye pou modi sa voler ki tronp li avek en zannimo taste, kan dan son troupo, i annan en zannimo mal, byen portan. Mon en gran lerwa, e mon non i ganny respekte parmi bann nasyon. SENYER liniver ki deklare.

Deterononm 12:6

La, zot ava prezant zot lofrann, zot sakrifis, zot ladim, zot bann donasyon, zot lofrann volonter, e bann premye ne zot troupo.

Levitik 7:16

Si sa sakrifis lape i ganny ofer pour akonpli en ve oubyen koman en lofrann volonter, lavyann ava ganny manze menm zour, e sa ki reste ava kapab ganny manze lannmen.

Levitik 19:29

Pa detri loner ou fiy e fer li vin en prostitye. Sinon, pei antye ava vin prostitye e ranpli avek limoralite.

Levitik 20:13

Si en zonm i dormi avek en zonm, parey i dormi avek en fanm, tou le de in komet en aksyon degoutan. Zot devre ganny touye; zot ava responsab zot lanmor.

Deterononm 22:21

sa zenn fanm ava ganny anmennen deor lakaz son papa e bann zonm lavil ava saboul li avek ros, akoz in komet en aksyon degoutan dan Izrael: I'n prostitye son lekor dan lakaz son papa. Konmsa, ou ava fer disparet sa ki mal parmi zot.

Mise 1:7

Tou son bann stati pou ganny kas an morso. Kado ki zot in resevwar pou ganny zete dan dife. Mon pou detri tou son bann zidol. Zot bann gen prostitisyon pou reganny servi dan prostitisyon.

1 Rwa 14:24

Ti annan menm bann prostitye sakre dan pei. Zot ti imit bann pratik degoutan bann nasyon ki SENYER ti'n sase devan Izrael.