Deterononm 17:20 - Labib An Kreol Seselwa

²⁰ Konmsa, i pa ava arogan devan bann manm son kominote, ni pas akote lalwa, ni adrwat, ni agos. Konmsa osi, son bann desandan ava rennyen pandan lontan lo rwayonm Izrael.

Deterononm 17:20 交叉參考

1 Rwa 15:5

David ti'n fer sa ki byen devan SENYER. Pandan tou son lavi, i pa ti detourn li kont son bann komannman, sof sa ki i ti fer kont Iri, sa Hitit.

Deterononm 5:32

Alor! Fer atansyon e met an pratik sa ki SENYER, zot Bondye in ordonn zot. Zot pa pou al ni agos, ni adrwat.

Ezai 2:12

Annefe, SENYER liniver in gard son zour pour li azir kont bann ki fyer e vantar, ler i pou abes sa bann ki krwar zot siperyer.

2 Korentyen 12:7

Sepandan, pour ki mon pa vant mon lekor pour sa bann revelasyon ekstraordiner, mon'n ganny en soufrans dan mon lekor. I koman en mesaze Satan ki'n ganny anvoye pour tourmant mwan e anpes mwan fer vantar.

Habakouk 2:4

I gonfle avek lorgey, i pa fer sa ki drwat. Me sa enn ki zis, pou viv par son lafwa.

Eklezyas 8:13

Me napa boner pour bann malfeter; son lavi pou pas vit parey lonbraz, akoz zot napa respe pour Bondye.

Proverb 27:24

Annefe, larises pa reste touzour, en kouronn pa ganny transmet atraver bann zenerasyon.

Proverb 10:27

Respe pour SENYER i fer viv pli lontan; me lavi bann malfeter i ganny rakoursi.

Psonm 132:12

Si ou bann garson i gard mon lalyans e mon bann lord ki mon pou ansenny zot, alor, zot bann garson osi pou asiz lo ou tronn pour touzour.

Psonm 19:11

Menm mwan, ou serviter, mon ganny averti; i annan gran rekonpans pour sa enn ki met zot an pratik.

2 Kronik 34:27

Ou leker in ganny touse e ou'n imilye ou devan mwan ler ou ti antann tou sa bann parol kont Zerizalenm e kont son bann zabitan. Ou'n imilye ou devan mwan, ou'n desir ou lenz e ou'n plere. Alor, mwan osi mon'n antann ou, SENYER i deklare.

2 Kronik 33:23

I pa ti imilye li devan SENYER parey son papa, Manase. I ti komet bokou plis fot ankor.

2 Kronik 33:19

Son lapriyer e lafason ki Bondye ti ekout li, son bann pese ek lenfidelite anver Bondye in ganny ekri dan Liv Listwar Hozai. Sa liv i osi donn non bann landrwa kot Manase ti konstri bann landrwa sakre, kot i ti plas bann poto sakre ek bann stati, avan son imilyasyon.

2 Kronik 33:12

Dan son gran maler, Manase ti sipliy faver SENYER son Bondye e i ti imilye li bokou devan Bondye son bann zanset.

2 Kronik 26:16

Me ler i ti'n vin pwisan, lorgey ti ranpli son leker e fer li tonbe. I pa ti fidel anver SENYER son Bondye. I ti fer en sakrilez: I ti antre dan tanp SENYER pour bril lansan lo lotel lansan.

2 Kronik 25:19

Ou dir ou'n bat Edonm. Ou pe montre lafyerte e ou pe fer vantar. Reste se ou aprezan. Pa rod maler; ou pou tonbe, e Zida avek ou.”

2 Rwa 14:10

Ou'n bat bann Edomit, e ou fyer pour sa. Me kontant ou avek ou laglwar e reste se ou! Akoz ou anvi provok maler? Ou pou tonbe, e Zida avek ou?”

2 Rwa 10:30

SENYER ti dir Zehou, “Akoz ou'n azir byen; ou'n fer sa ki mon konsider byen: Ou'n azir anver fanmir Akab parey mon ti oule, ou desandan pou asiz lo tronn Izrael ziska katriyenm zenerasyon.”

1 Rwa 11:36

Mon pou donn son garson en tribi, pour ki mon serviter David ava touzour annan en desandan ki renny devan mwan Zerizalenm, lavil ki mon'n swazir pour donn mon non.

1 Rwa 11:34

Malgre sa, mon pa pou pran rwayonm antye dan son lanmen; mon pour gard li koman sef mon pep pandan tou son lavi, akoz mon serviter David ki mon ti swazir, ki ti gard mon bann komannman ek mon bann lalwa.

1 Samyel 15:23

Rebelyon i parey pese sorselri; larogans i osi grav ki ladorasyon pti stati bondye etranze. Akoz ou'n rezet laparol SENYER, li osi i'n rezet ou: Ou pou nepli lerwa.”

Deterononm 17:11

Ou ava azir dapre lenterpretasyon lalwa ki zot in donn ou, oubyen dapre zizman ki zot in prononse. Ou pa pou al ni agos ni adrwat avek desizyon ki zot in prononse.

Deterononm 12:32

Ou ava byen met an pratik tou sa ki mon'n ordonn ou. Ou pa pou ni azoute, ni tir nanryen.

Deterononm 12:28

Fer sir ou obei tou sa bann komannman ki mon ordonn ou ozordi. Konmsa, ou ava kapab viv ere, ou, avek ou bann zanfan pour touzour, akoz ou ava pe fer sa ki byen e drwat devan SENYER, ou Bondye.

Deterononm 12:25

Pa manz disan, pour ki zot ava ere, ou, ek tou ou bann zanfan apre ou. Zot ava'n fer sa ki byen devan SENYER.

Deterononm 8:2

Ou ava rapel sa long semen kot SENYER, ou Bondye in akonpanny ou pandan 40 an dan dezer, pour li imilye ou, teste ou; pour li konnen ki ou annan dan ou leker, si ou pou gard son bann komannman oubyen non.

Deterononm 4:2

Zot pa devre azout nanryen, ni tir nanryen dan sa bann parol ki mon ordonn zot. Gard bann komannman SENYER, zot Bondye parey mon'n donn zot.

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.

Psonm 119:102

Mon respekte ou bann desizyon akoz ou ki'n enstri mwan.

1 Samyel 10:25

Samyel ti fer lepep konn tou bann drwa ki en lerwa i annan. I ti ekri tou dan en liv, ki i ti met devan SENYER. Apre, Samyel ti fer lepep antye retourn sakenn se li.

2 Samyel 22:23

Mon'n gard tou son bann lalwa. Mon pa'n dezobei son bann regleman.

1 Rwa 2:3

Reste fidel avek lord SENYER ou Bondye; fer son lavolonte e obei son lalwa, son komannman, son regleman, ek son lansennyman, tou sa ki'n ekri dan lalwa Moiz, e ou ava reisi dan tou sa ki ou fer.

1 Rwa 15:3

I ti komet tou sa pese ki son papa avan li ti komet; i pa ti vreman fidel anver SENYER son Bondye, parey son papa David.