Deterononm 12:20 - Labib An Kreol Seselwa

²⁰ Kan, parey in promet ou, SENYER, ou Bondye ava'n agrandi ou teritwar, e ki ou ava dir: Mon anvi manz lavyann, zis akoz ou anvi, ou ava kapab manz li kantite fwa ki ou anvi.

Deterononm 12:20 交叉參考

Deterononm 19:8

Si, parey in fer serman avek ou bann zanset, SENYER, ou Bondye i agrandi ou teritwar, e i donn ou sa pei parey i'n promet ou bann zanset;

Deterononm 11:24

Partou kot zot pou poz zot lipye ava vin pour zot: Zot teritwar pou al depi dezer ziska Liban e depi larivyer Efrat ziska lanmer Mediterane.

Egzod 34:24

Mon pou sas tou bann nasyon devan ou e mon pou agrandi ou teritwar; personn pa pou esey pran ou later ler ou ava al prezant ou devan SENYER ou Bondye trwa fwa par an.

Zenez 28:14

Ou desandans pou nonbre parey lapousyer later e zot pou agrandi dan Was e dan Les, dan Nor e dan Sid. Atraver ou ek ou bann desandan, tou fanmir lo later pou ganny beni.

Psonm 107:9

Akoz sa enn ki ti swaf ti ganny delo; sa enn ki ti lafen ti ganny dekwa manze.

1 Kronik 4:10

Yabes ti priy Bondye Izrael: Si ou vreman akord mwan ou benediksyon, ou ava agrandi mon teritwar; ou lanmen ava avek mwan; maler ek soufrans ava reste lwen avek mwan! Bondye ti akord Yabes tou sa ki i ti demande.

Deterononm 12:15

Sepandan, kan ou ava anvi, ou ava kapab touy en zannimo e manz lavyann dan nenport bann lavil dapre bann benediksyon ki SENYER, ou Bondye in akord ou. Dimoun enpir e dimoun pir ava kapab manz sa lavyann, konmsi zot ti pe manz lavyann gazel oubyen serf.

Egzod 23:31

Mon pou etabli zot teritwar depi lanmer Rouz, ziska lanmer Mediterane e depi dezer, ziska larivyer Efrat. Mon pou delivre bann zabitan sa pei dan ou lanmen e ou ava fer zot sove devan ou.

Filipyen 1:8

Bondye i mon temwen ki mon kontan zot avek sa profon lafeksyon Zezi-Kri.

2 Korentyen 9:14

Akoz sa lagras ekstraordiner ki Bondye in akord zot, sa bann frer ava priy pour zot avek bokou lafeksyon.

Psonm 119:174

SENYER! Mon pe esper ou delivrans; ou lalwa i rann mwan ere.

Psonm 119:40

Ou konnen mon kontan viv dapre ou bann direktiv. Fer mwan viv dapre ou lazistis.

Psonm 119:20

Mon dezir touzour met an pratik ou bann desizyon.

Psonm 84:2

Mon vreman anvi antre dan sanktyer SENYER. Mon leker ek mon lekor antye i anvi sant lazwa ver Bondye vivan.

Psonm 63:1

Mon Bondye! Ou menm mon Bondye. Mon pe rod ou koman soley i leve. Mon swaf, mon anvi ou mon Bondye. Mon lekor i bezwen ou parey en later ki'n sek, san delo.

2 Samyel 23:15

David ti'n ganny en lanvi. I ti dir, “Lekel ki pou fer mwan bwar delo dan pwi ki dan lantre laport Betlehenm?”

2 Samyel 13:39

Lerwa David ti arete pourswiv Absalon; i ti'n konsole lo lanmor Amnon.

Nonm 11:34

Zot ti apel sa landrwa Kibrot-Taava, savedir Latonm bann dezir, akoz la, zot ti anter sa bann ki ti annan lanvi manz lavyann.

Nonm 11:20

me pour en mwan antye, ziska i sorti par zot nennen, ziska zot ava degout lavyann. Tousala, akoz zot in rezet SENYER ki parmi zot; zot in mirmire devan li e zot in dir: Akoz nou'n sorti Lezip?”

Nonm 11:4

Parmi pep Izrael, ti annan group etranze ki ti ranpli avek tou kalite lanvi. Bann Izraelit osi ti pe konmans konplent: Kote nou pou ganny en pe lavyann pou manze?

Zenez 31:30

Menm si ou ti anvi retourn kot lakaz ou papa, akoz ou'n vol mon bann pti stati?”

Filipyen 2:26

I byen anvi revwar zot tou; i trakase akoz zot ti'n aprann ki i ti malad.

Deterononm 12:21

Si landrwa kot SENYER, ou Bondye ava swazir pour etabli son non i tro lwen avek ou landrwa reste, e ki parey mon'n ordonn ou fer, ou touy en zannimo parmi ou bann troupo parey SENYER in donn ou, alor, ou ava kapab manz sa lavyann kot ou, e kan ou anvi.