Deterononm 10:12 - Labib An Kreol Seselwa

¹² Aprezan Izrael! Ekoute ki SENYER, ou Bondye pe demann ou: I demann ou pour annan respe pour SENYER, ou Bondye, swiv son semen, kontan li, servi SENYER, ou Bondye avek tou ou leker e avek ou et antye.

Deterononm 10:12 交叉參考

Deterononm 6:5

Ou ava kontan SENYER, ou Bondye avek tou ou leker, avek ou et antye e avek tou ou lafors.

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Levanzil dapre Lik 10:27

Sa profeser Lalwa ti reponn li, “Kontan Senyer ou Bondye avek tou ou leker, avek ou et antye, avek tou ou lafors, avek tou ou lespri, e ou prosen parey ou menm.”

Deterononm 5:33

Zot ava mars dan semen ki SENYER, zot Bondye in trase pour zot. Konmsa, zot ava reste vivan e viv lontan; zot ava ere dan pei ki zot pe al pran posesyon.

Deterononm 11:13

Si zot vreman obei tou bann komannman ki mon pe ordonn zot ozordi, si zot kontan SENYER, zot Bondye e servi li avek tou zot leker e zot et antye.

Matye 22:37

Zezi ti reponn li, “Kontan Senyer ou Bondye avek tou ou leker, avek tou ou et antye, e avek tou ou lespri.

Sofoni 3:9

Alor, mon pou pirifye labous bann pep, pour ki zot tou, zot envok non SENYER e servi mwan avek en menm leker.

Psonm 34:9

Zot son bann sen, annan respe pour SENYER! Sa enn ki annan respe pour li, pa mank nanryen.

Deterononm 4:29

Laba dan sa pei, ou pou rod SENYER, ou Bondye. Si ou rod li avek tou ou leker ek tou ou lespri, ou pou trouv li.

Ebre 12:28

Alor, akoz nou pe resevwar en rwayonm ki pa kapab ganny sekwe, annou an rekonesans, servi Bondye dan en mannyer ki fer li plezir, avek soumisyon e avek respe.

Ezekyel 11:20

Konmsa, zot ava obei mon komannman e met an pratik mon bann regleman. Zot ava vin mon pep e mwan, mon ava zot Bondye.

Psonm 145:20

SENYER i vey lo tou dimoun ki kontan li; me i pou detri bann malfeter.

Psonm 128:1

Byennere sa enn ki annan respe pour SENYER, ki swiv semen ki SENYER i'n trase!

Psonm 81:13

Mon ti ava kontan si mon pep ti ekout mwan, si Izrael ti swiv mon semen!

Zozye 22:5

Selman, fer sir zot obzerv tou bann komannman ek lalwa ki Moiz, serviter SENYER, zot Bondye in ordonn zot. Kontan SENYER, zot Bondye e fer tou sa ki i demann zot. Obei tou son bann komannman; atas avek li e servi li fidelman avek tou zot leker e avek lafors zot et antye.”

Deterononm 30:20

Kontan SENYER, ou Bondye, obei li e reste atase avek li, pour ki ou viv lontan e reste dan sa pei ki SENYER in fer serman pour donn ou bann zanset, Abrahanm, Izaak ek Zakob.

Deterononm 30:16

La sa ki mon pe ordonn ou ozordi: Obei bann komannman SENYER, ou Bondye, kontan SENYER, ou Bondye; mars dan son semen; obzerv son bann komannman, regleman ek lalwa, pour ki ou vin nonbre. SENYER, ou Bondye ava beni ou dan sa pei kot ou pe al antre pour pran posesyon.

1 Zan 5:5

Lekel sa enn ki ganny laviktwar lo lemonn? Sa enn ki krwar ki Zezi i Garson Bondye.

1 Zan 2:15

Pa kontan lemonn, ni sa ki dan lemonn. Si en dimoun i kontan lemonn, lanmour Papa pa dan li.

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

Levanzil dapre Lik 11:42

Me maler lo zot, bann Farizyen! Zot ki donn en dizyenm parti lo lanmant, lo tou zepis ek legim, me zot negliz lazistis ek lanmour Bondye. I neseser ki zot fer tousala, me san negliz lezot.

Liv Zob 36:11

Si zot ekout li, si zot servi li, zot ava fini zot lavi dan boner ek prosperite.

Deterononm 6:13

Ou ava annan respe pour SENYER, ou Bondye e ou ava servi li; ou ava pret serman zis lo son non.

Akt de Zapot 9:31

Antretan, Legliz dan Zide, dan Galile e dan Samari antye, ti pe viv anpe. I ti vin solid; i ti devlope, e soumi dan respe pour Senyer; i ti ogmante gras a led Lespri Sen.

Romen 1:9

Bondye ki mon servi avek tou mon leker an anonsan Bonn Nouvel son Garson, i temwen ki tou sa ki mon pe dir i vre: I konnen ki mon touzour mazin zot

Psonm 18:1

SENYER! Mon kontan ou. Ou menm mon lafors.

1 Timote 1:5

Sa lord ki mon donn ou, i annan pour bi prodwir lanmour ki sorti dan en leker pir, en bon konsyans ek en lafwa senser.

Egzod 23:25

Zot ava ador SENYER zot Bondye e i ava beni zot dipen ek zot delo. Mon pou elwanny tou maladi parmi zot.

Deterononm 6:2

Konmsa, zot, zot bann zanfan ek zot bann pti zanfan, ava annan respe pour SENYER, zot Bondye tou le zour zot lavi. Zot ava gard tou son bann regleman ek son bann komannman ki mon pe donn zot, pour ki zot viv lontan.

Deterononm 6:24

Alor, SENYER ti ordonn nou pour obzerv tou sa bann regleman. Nou pou touzour ere, si nou annan respe pour SENYER, nou Bondye; i pou gard nou vivan parey i pe fer ozordi.

Deterononm 10:11

SENYER ti dir mwan: Leve! Kontiny ou vwayaz. Mars devan sa pep pour zot antre e pran posesyon sa pei ki mon ti fer serman avek zot bann zanset pour donn zot.

Deterononm 10:13

Gard bann komannman SENYER ek son bann regleman ki mon pe ordonn ou ozordi, pour ki ou viv ere.

Deterononm 11:1

Ou ava kontan SENYER, ou Bondye e ou ava touzour obei tou son bann lalwa, regleman ek komannman.

Zozye 24:14

Aprezan, annan respe pour SENYER, e servi li senserman e avek fidelite. Detri bann bondye ki zot zanset ti servi ler zot ti lot kote larivyer Efrat e Lezip; servi SENYER.

1 Rwa 3:3

Salomon ti kontan SENYER. I ti swiv tou bann lord son papa David. Me i ti ofer sakrifis e bril lansan dan bann landrwa sakre.

Psonm 119:2

Byennere sa bann ki gard son bann lord, ki rod li avek tou zot leker.

Eklezyas 12:13

Ekout konklizyon tousala: Annan respe pour Bondye e obei son komannman. La sa ki tou et imen i devre fer.

Deterononm 5:29

Si selman zot ti annan sa menm leker pour annan respe pour mwan e touzour obeir tou mon bann komannman! Alor, zot ti ava ere pour touzour, zot, ek zot bann zanfan.

Deterononm 26:16

Ozordi, SENYER, ou Bondye pe ordonn ou pour met an pratik tou sa bann regleman ek lalwa. Alor, obzerv zot byen avek tou ou leker e ou et antye.

Deterononm 27:10

Alor, ou ava obei SENYER, ou Bondye, e met an pratik son bann komannman ek son bann regleman ki mon pe ordonn ou ozordi.

1 Samyel 12:20

Samyel ti dir lepep, “Pa bezwen per. Menm si zot in fer tou sa bann pese, kontinyen swiv SENYER e servi li avek tou zot leker.

2 Rwa 10:31

Me Zehou pa ti pran ka pour mars dapre lalwa SENYER, Bondye Izrael avek tou son leker. I ti kontinyen komet bann menm pese ki Zeroboanm ti fer Izrael komet.

2 Rwa 18:3

Ezekyas ti fer sa ki fer plezir SENYER, parey son papa David.

2 Rwa 18:6

I ti annan gran latasman pour SENYER; i pa ti abandonn li; i ti obzerv tou komannman ki SENYER ti'n ordonn Moiz.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

2 Kronik 15:12

Dan en lalyans ki zot ti fer, zot ti promet SENYER, Bondye zot zanset, ki zot pou rod li avek tou zot leker ek zot et antye.

Psonm 81:14

Alor, deswit mon ti ava imilye zot bann lennmi; mon ti ava kraz zot bann ladverser.