Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.
Sa enn ki pou vin kont li pou fer sa ki fer li plezir; personn pa pou kapab opoz li. I pou enstal li dan sa pli zoli pei e i pou masakre tou sa ki dan son semen.
Apre sa, mon ti war en trwazyenm bebet. I ti parey en leopar ki ti annan kat lezel zwazo lo son ledo, ek kat latet. I ti resevwar pouvwar pour domin lemonn.
Akoz sa grander ki Bondye ti'n donn li, tou pep, nasyon tou pei, ki koz diferan langaz, ti tranble devan li. I ti touy sa ki i ti anvi, e les viv sa ki i ti anvi. I ti donn loner sa ki i ti anvi e abes bann ki i ti anvi abese.
Anmenmtan, Bondye in konfirm sa temwannyaz par bann siny, bann levennman ekstraordiner ek toudsort mirak. I'n osi distribye bann don Lespri Sen dapre son lavolonte.
Dan nou linyon avek Kris, nou'n resevwar par ki nou ti'n ganny promet. Annefe, dapre son plan, Bondye ti'n swazir nou davans, e Bondye i realiz tou, dapre sa ki i'n oule e ki i'n deside.
Tou zabitan later pa vo nanryen devan li. I tret mannyer i anvi bann zabitan lesyel ek later. Personn pa opoz son pwisans; personn pa demann li: Ki ou pe fer.
