Agze 1:9 - Labib An Kreol Seselwa

⁹ Zot ti espere rekolte bokou, me zot pa'n rekolte bokou. Sa ki zot in anmenn dan lakour, mon'n soufle lo la e fer li anvole. Akoz? SENYER liniver, i demande. Akoz zot, zot touzour okipe avek zot prop lakaz, tandis ki mon tanp in vin zis en ta debri.

Agze 1:9 交叉參考

2 Samyel 21:1

Dan letan David, ti annan en lafanmin pandan 3 an. David ti konsilte SENYER ki ti dir li, “Sa i akoz Sail ek son fanmir ki'n vers disan. Zot in touy bann Gabaonit.”

2 Samyel 22:16

SENYER! Devan ou bann menas, devan tanpet ou lakoler, fon lanmer ti aparet e fondasyon later ti ganny ekspoze.

2 Rwa 19:7

Mon pou met en lespri dan li; i pou antann en rimer e i pou retourn dan son pei. Mon pou fer li mor par lepe dan son prop pei.

Liv Zob 10:2

Mon pou dir Bondye: Pa kondann mwan. Fer mwan konnen ki repros ou annan kont mwan.

Proverb 11:24

Sa enn ki donn avek gran ker, i vin ankor pli ris; sa enn ki pa rann sa ki i dwa, i vin pli pov.

Proverb 27:20

Parey ki lemonn lanmor ek lemonn bann defen pa zanmen rasazye, lizye zonm osi pa zanmen satisfe.

Eklezyas 1:8

Tousala i fatigan; i repete san ki ou kapab dir: Ase. Lizye pa fatige war; zorey pas fatige tande.

Ezai 40:7

Zerb i sek e fler i fletri ler SENYER i soufle lo zot. Vreman, lepep i parey zerb.

Ezai 5:10

Dis arpan plantasyon rezen pou donn apenn 50 lit diven. Avek 100 kilo semans dible, zot pou rekolte zis 10 kilo.

Zeremi 12:13

Mon pep in senm lagrenn dible, me zot in rekolte move zerb. Zot in travay dir, san okenn profi. Zot rekolt pa'n bon akoz gran lakoler SENYER.

Ezekyel 21:31

Mon pou devers lo ou tou mon lakoler. Mon pou soufle dife mon lakoler kont ou. Mon pou livre ou dan lanmen bann brit, bann eksper dan destriksyon.

Levitik 19:25

Dan senkyenm lannen, zot ava kapab manz fri. Konmsa ki zot rekolt ava ogmante: Mwan menm SENYER zot Bondye.

Agze 1:4

Eski la i en lepok pour zot reste dan zot lakaz byen dekore? Tandis ki mon lakaz li, in degrengole, i anrin?

Agze 1:6

Zot in senm bokou, me zot in rekolte en pti gin; zot in ganny manze, me zot pa zanmen ase; zot in ganny bwar, me zot touzour swaf; zot sanze, me zot lenz pa zanmen gard lasaler; lapey bann travayer i al dan en portmonnen defonse.

Malasi 2:2

Si zot pa ekout mwan, e zot pa pran ka pour glorifye mon non dan sa ki zot fer, alor mon pou devers malediksyon lo zot, SENYER ki deklare. Mon pou sanz mon benediksyon an malediksyon. Annefe, mon'n fini modi zot, akoz zot pa pe pran mon lord aker.

Deterononm 28:38

Ou ava senm bokou lagrenn dan plantasyon, me ou pa pou rekolte bokou, akoz sotrel pou devor tou.

Revelasyon 2:4

Me sa ki mon annan kont ou, se ki ou'n perdi ou premye lanmour.

Revelasyon 3:19

Mon koriz e mon pini tou sa bann ki mon kontan. Montre bokou devouman, e sanz ou konportman.