2 Pyer 2:8 - Labib An Kreol Seselwa

⁸ Annefe, sa zonm zis ki ti viv parmi zot, ti soufer kan i ti war e antann zot bann move aksyon.

2 Pyer 2:8 交叉參考

Psonm 119:158

Ler mon get bann tret, mon ganny degou, akoz zot pa obei ou komannman.

Ezekyel 9:4

SENYER ti dir li, “Al partou atraver lavil, atraver Zerizalenm; met en mark lo fron bann ki plennyen e plere akoz bann aksyon degoutan ki ganny komet dan sa lavil.”

Psonm 119:136

Mon larm i koule parey en larivyer, akoz dimoun pa obei ou lalwa.

Proverb 25:26

En dimoun zis ki tranble devan en malfeter, i parey en lafontenn oubyen en pwi delo sal.

Let Zak 5:16

Alor, konfes zot pese avek kanmarad, priy pour kanmarad, pour ki zot ava ganny gerizon. Lapriyer senser en dimoun zis, i fer bokou lefe.

1 Timote 1:9

Annou rapel an partikilye ki Lalwa pa'n fer pour bann ki zis, me pour bann malfeter ek bann rebel; pour bann dimoun mesan ek bann peser; pour bann ki napa respe pour Bondye, ni pour sa ki sen; pour bann ki touy zot manman oubyen zot papa; pour bann kriminel;

Proverb 28:12

I en gran loner kan sa enn ki zis i triyonfe; me kan en malfeter i reisi, tou dimoun i al kasyet.

Psonm 119:139

Mon gran lanmour pour ou i brile dan mwan akoz mon bann lennmi i oubliy ou bann parol.

Ezekyel 9:6

Touy zot tou: Vyeyar, zennzan, zenn fiy, pti zanfan ek bann fanm, me pa tous personn ki annan mark lo fron. Ou ava konmans par mon sanktyer.” Alor, zot ti konmans touy bann ansyen ki ti devan tanp.

Zenez 13:13

Bann zabitan Sodonm ti move e zot ti komet bann aksyon tre grav kont SENYER.

Ebre 11:4

Par lafwa, Abel ti ofer en meyer sakrifis ki sakrifis Kaen. Akoz lafwa Abel, Bondye ti deklar li zis. Pour sa rezon, i ti aprouv son lofrann. Par son lafwa, Abel pe kontinyen koze menm si i'n mor.