2 Pyer 1:8 - Labib An Kreol Seselwa

⁸ Se sa bann kalite ki zot devre posede. Si zot posed sa bann kalite annabondans, zot ava aktif e prodiktif dan konnesans nou Senyer Zezi-Kri.

2 Pyer 1:8 交叉參考

Let Pol pour bann Tit 3:14

Nou bann zans osi i bezwen aprann fer bann bon aksyon. Konmsa, zot ava kapab fer fas avek bann sityasyon irzan e pa viv en lavi initil.

Kolosyen 3:16

Mon demande ki parol Kris i reste dan zot avek tou son larises. Enstri, e averti kanmarad avek lasazes. Avek rekonesans, loue Bondye avek psonm, kantik ek sanson enspire par Lespri.

Levanzil dapre Zan 15:2

Tou brans ki atase avek mwan e ki pa raport fri i ganny koupe. Tou brans ki raporte, i tay zot pour ki zot raport ankor plis fri.

Ebre 6:12

Alor, pa fer pares, me swiv legzanp bann ki krwar e ki persevere pour zot erit bann promes Bondye.

Filipyen 1:9

La sa ki mon demann Bondye dan mon lapriyer: Ki zot lanmour i ogmante e vin pli gran ankor, avek en vre konnesans ek en konpreansyon parfe,

1 Tesalonisyen 4:1

Anfen, mon bann frer ek ser! Zot in aprann avek nou, koman zot devre konport zot pour fer plezir Bondye. Zot pe fer li deza; me esey fer pli byen ankor.

1 Korentyen 15:58

Alor, mon bann zanmi! Reste ferm e solid. Montre touzour plis lentere pour travay Senyer, akoz zot konnen ki avek Senyer, zot travay pa initil.

2 Pyer 1:2

Mon swete ki zot resevwar lagras ek lape annabondans, par konnesans Bondye ek Zezi, nou Senyer.

Filemon 1:6

Mon priye ki lafwa ki nou annan ansanm, i fer son lefe dan ou. Konmsa, ou ava konn tou sa dibyen ki nou kapab fer dan servis Kris.

2 Tesalonisyen 1:3

Mon bann frer ek ser! Nou devre touzour remersye Bondye pour zot. Sa i byen, akoz zot lafwa in bokou progrese e lanmour ki zot posede pour kanmarad pe touzour ogmante.

Filipyen 2:5

Zot devre annan menm konportman ant zot, parey dimoun ki ini avek Zezi-Kri:

2 Korentyen 13:5

Egzamin zot lekor pour war si zot pe gard zot lafwa. Teste zot lekor. Pa zot rekonnet ki Zezi-Kri i reste dan zot? Amwen ki zot pa pas tes!

Kolosyen 2:7

Viv anrasinen dan li; konstri zot lavi lo li; reste touzour pli ferm dan lafwa dapre sa lansennyman ki zot in resevwar, e montre ki zot ranpli avek rekonesans.

2 Korentyen 9:14

Akoz sa lagras ekstraordiner ki Bondye in akord zot, sa bann frer ava priy pour zot avek bokou lafeksyon.

2 Korentyen 8:2

Malgre bann leprev dir ki bann krwayan in pas ladan, zot lazwa ti telman gran, ki zot i'n montre zot byen zenere, menm si zot pov.

1 Timote 5:13

An plis ki sa, akoz zot nanryen fer, zot pran labitid pas zot letan sorti dan en lakaz pour al dan en lot. Pir ki sa: Zot koz bonnavini, zot fournen, e koz lo sa ki pa konsern zot.

1 Tesalonisyen 3:12

Mon demann Senyer ogmant lanmour ki zot annan pour kanmarad e pour tou dimoun, parey lanmour ki nou annan pour zot.

2 Korentyen 8:7

Aprezan, demenm ki zot annan tou annabondans: Lafwa, don laparol, konnesans, devouman san limit, lanmour ki nou'n eveye dan zot, montre zot osi zenere dan sa proze.

Romen 12:11

Pa fer pares, me servi Senyer avek tou zot leker.

Levanzil dapre Zan 5:42

Me mon konn zot: Mon konnen ki lanmour Bondye pa dan zot leker.

Matye 25:26

Son met ti reponn li: Ou en serviter ki move e pares! Ou ti konnen ki mon rekolte kot mon pa'n senmen e ki mon rekolte kot mon pa'n plante.

Matye 20:6

I ti al ankor ver 5 er apremidi. I ti war en lot group zonm pe debout dan laplas piblik. I ti demann zot, “Akoz zot reste isi lazournen antye nanryen fer?”

Matye 20:3

I ti sorti ver 9 er; i ti war en bann zonm pe debout nanryen fer dan laplas piblik.

Matye 13:22

Bann lagrenn ki tonm parmi bann zarbis pikan, zot parey sa bann dimoun ki antann Laparol, me traka lemonn, plezir lavi ek larzan i touf Laparol e zot pa prodwir okenn fri.

Proverb 19:15

Lapares i fer tonm dan sonmey; sonmey i fer soufer lafen.

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

Filipyen 3:8

Wi! Mon menm konsider tou keksoz koman en pert, konpare avek sa byen ki bokou pli siperyer: konnesans Zezi-Kri mon Senyer. Pour li, mon pa'n rod okenn avantaz personnel. Mon konsider tousala koman salte, pour mwan ganny Kris,

Kolosyen 1:10

Konmsa, zot ava kapab viv en lavi ki Bondye i aprouve e ki fer li plezir dan tou sa ki zot fer. Konmsa, par zot bann bon aksyon, zot ava prodwir fri e progrese dan konnesans Bondye.

2 Pyer 1:3

Annefe, dan son pwisans, Bondye in donn nou tou sa ki nou bezwen pour viv en lavi vreman dapre son lavolonte. In fer nou konn sa enn ki'n apel nou pour partisip dan son prop laglwar ek son bann mervey.

2 Pyer 2:20

Annefe, i annan ki'n sape anba move lenfliyans lemonn, gras a konnesans nou Senyer e Sover Zezi-Kri. Me, si zot les zot reganny atrape e reganny anpaye, e ganny bate, zot kondisyon i vin pir ki avan.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!