1 Pyer 5:5 - Labib An Kreol Seselwa

⁵ Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.

1 Pyer 5:5 交叉參考

Let Zak 4:6

Me lagras ki Bondye i donnen i siperyer. Annefe, Lekritir i deklare: Bondye i reziste bann ki orgeye, me i donn son lagras bann ki annan limilite.

Proverb 3:34

SENYER pa pran ka dimoun ensolan; me i bon anver dimoun senp.

Efezyen 5:21

Par respe ki zot annan pour Kris, obei kanmarad.

Romen 12:10

Annan en gran lafeksyon ant zot, parey bann frer ki kontan kanmarad; setaki, montre plis respe pour kanmarad.

Filipyen 2:3

Pa fer nanryen dan en lespri konpetisyon ni par lorgey. O kontrer avek limilite, konsider lezot pli enportan ki ou.

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

Ezai 66:2

Tou sa ki egziste, se mon lanmen ki'n fer; alor, tousala i pour mwan. Me mon pran pitye pour sa ki malere, sa ki dan dekourazman, sa ki annan gran respe pour mon parol. SENYER ki deklare.

Romen 13:14

Abiy zot avek nou Senyer Zezi-Kri; pa les zot ganny antrennen par zot prop natir pour satisfer zot bann dezir.

1 Pyer 4:5

Me sa bann etranze pou bezwen rann kont zot aksyon avek sa enn ki'n pare pour ziz bann ki vivan ek bann ki'n mor.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ebre 13:17

Obei zot bann dirizan e swiv zot lord. Annefe sa bann dimoun pe kontinyelman vey lo zot, akoz zot pou bezwen rann kont lo zot size. Les zot fer zot travay dan lazwa, olye dan lapenn. Sa pa pou anmenn okenn lavantaz pour zot.

Levitik 19:32

Ou ava lev debout devan en dimoun aze e respekte en vyeyar; ou ava annan respe pour ou Bondye. Mwan menm SENYER.

1 Pyer 4:1

Alor, akoz Kris in soufer fizikman, zot osi, zot devre annan sa menm konviksyon. Annefe, sa enn ki'n soufer fizikman, i'n fini avek pese,

Psonm 132:9

Ou bann pret ava ganny anvlope dan lazistis e ou bann fidel ava kriye ranpli avek lazwa.

Liv Zob 29:14

Lazistis ti en lenz pour mwan; respe pour lalwa ti koman en rob ek en tirban.

Liv Zob 22:29

Bondye i abes bann orgeye, i sov dimoun ki pa arogan.

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

2 Kronik 6:41

Aprezan, leve SENYER, mon Bondye! Al dan ou landrwa repo, ou avek Kof Lalyans kot ou pwisans i ete. Ou bann pret ava ganny anvlope dan ou delivrans e ou bann fidel ava selebre ou bonte.

Psonm 132:16

Mon pou anvlop son bann pret dan mon delivrans e son bann fidel pou sant zot lazwa.

Psonm 138:6

Menm si SENYER i lao dan lesyel, i pran ka avek bann ki pli mizerab e i rekonnet bann arogan depi byen lwen.

Ezekyel 26:16

Tou bann lerwa dan rezyon lakot pou kit zot tronn. Zot pou kit zot rob ek zot lenz brode. Zot pou tranble avek gro lafreyer; zot pou asiz ater dan lafreyer e zemir lo ou sor.

Levanzil dapre Lik 22:26

Me zot, zot pa devre fer konmsa. O kontrer, sa enn ki pli enportan parmi zot i devre pran plas sa enn ki pli pti, e sa enn ki sef, i devre parey en serviter.

1 Timote 5:1

Pa bezwen koz dir avek en vyeyar, me koz avek li konmsi i ou papa. Tret bann zennzan koman frer,

1 Pyer 3:8

Anfen, zot tou, zot devre annan menm panse ek menm santiman. Kontan kanmarad koman frer; annan konpasyon pour kanmarad e viv dan limilite.

Proverb 25:7

I pli bon ganny dir: Mont isi, ki ganny abese devan en sef.

Danyel 11:12

Avek son laviktwar lo sa gran larme, leker lerwa Sid pou ranpli avek lorgey. I pou touy plizyer milye gerye, me son laviktwar pa pou dire.