1 Pyer 5:1 - Labib An Kreol Seselwa

¹ Aprezan mon adres mwan avek bann ansyen ki la parmi zot. Mwan osi, mon en ansyen parey zot. Mon temwen bann soufrans Kris, e mon pou partisip dan laglwar ki pou ganny revele.

1 Pyer 5:1 交叉參考

Levanzil dapre Lik 24:48

Zot temwen sa bann keksoz.

Revelasyon 1:9

Mwan menm Zan, zot frer, ki'n partisip dan soufrans, dan rwayote, e ki'n andire avek pasyans, ini avek Zezi. Mon ti annegzil lo zil Patmos, akoz Parol Bondye ek temwannyaz Zezi.

2 Zan 1:1

Sa let i sorti kot Ansyen, pour sa gran Madanm, swazi par Bondye ek son bann zanfan, ki mon kontan bokou dan laverite. Pa zis mwan ki kontan ou, me osi tou bann ki konn laverite.

1 Pyer 5:4

Kan Sef bann berze pou aparet, zot pou resevwar kouronn laglwar ki pa zanmen terni.

1 Zan 3:2

Mon bann zanmi! Aprezan nou zanfan Bondye, e sa ki nou pou ete plitar pa ankor ganny revele. Me nou konnen ki kan Kris pou aparet, nou pou parey li, akoz nou pou war li parey i ete.

1 Pyer 1:7

Tousala i vin lokazyon donn vre valer zot lafwa, ki pli presye ki lor. Parey lor, malgre ki i kapab abimen kan i ganny teste par dife, zot lafwa i devre ganny teste pour montre son valer. Alor, i ava servi pour rann glwar, louanz ek loner Zezi-Kri, kan i pou ganny revele.

Akt de Zapot 14:23

Dan sak Legliz, zot ti nonm bann ansyen. Apre ki zot ti'n zennen e priye, sa de zapot ti konfye zot dan lanmen Bondye dan ki zot ti'n krwar.

Akt de Zapot 11:30

Zot ti anvoy zot don kot bann ansyen dan Zide par lentermedyer Barnabas ek Sol.

1 Pyer 1:12

Zot ti ganny revele ki sa mesaz pa ti pour zot menm bann profet, me pour zot. Aprezan, zot in resevwar sa mesaz par bann predikater Bonn Nouvel. Zot in anons sa Bonn Nouvel par pwisans Lespri Sen sorti dan lesyel, ki menm bann lanz ti ava byen kontan konnen.

Filemon 1:9

mon prefere, sipliy ou lo non lanmour. Alor, mwan Pol, en vyeyar aprezan, osi en prizonnyen Zezi-Kri,

Let Pol pour bann Tit 1:5

Mon'n kit ou Kret pour ou met lord dan bann keksoz kot fodre, e pour ki ou etabli bann ansyen dan sak lavil, dapre mon rekomandasyon:

2 Timote 4:8

Dezormen, kouronn lazistis in ganny rezerve pour mwan, sa enn ki Senyer ki ziz avek lazistis pou donn mwan sa zour; pa zis mwan, me osi tou bann ki'n esper war son retour.

1 Timote 5:19

Pa aksepte okenn lakizasyon kont en ansyen, amwen ki i annan de, oubyen trwa temwen.

1 Timote 5:1

Pa bezwen koz dir avek en vyeyar, me koz avek li konmsi i ou papa. Tret bann zennzan koman frer,

Filipyen 1:19

akoz mon konnen ki mon pou ganny libere par zot lapriyer e avek led Lespri Zezi-Kri.

2 Korentyen 5:1

Nou konnen annefe, si sa latant kot nou pe viv ladan lo later i ganny detri, nou annan dan lesyel en gran lakaz konstri par lanmen Bondye, pa par lanmen zonm, e ki eternel.

Akt de Zapot 21:18

Lannmen, Pol, ansanm avek nou, ti al kot Zak kot tou bann ansyen ti'n reini.

Akt de Zapot 20:28

Vey byen lo zot lekor e pran swen troupo ki Lespri Sen in konfye zot koman bann gardyen. Pran swen Legliz ki Bondye in gannyen par disan son prop Garson.

Akt de Zapot 20:17

Letan Pol ti Mile, i ti anvoy en mesaz Efez pour demann bann ansyen dan Legliz pour vin zwenn li.

Akt de Zapot 15:6

Bann zapot ek bann ansyen ti reini pour konsider sa kestyon.

Akt de Zapot 15:4

Kan zot ti ariv Zerizalenm, zot ti ganny byen resevwar par Legliz, par bann zapot ek bann ansyen. Zot ti rakont tou sa ki Bondye in fer pour zot.

Akt de Zapot 2:32

Sa Zezi, Bondye in resisit li, e nou tou, nou temwen.

Akt de Zapot 1:22

depi batenm Zan ziska zour ki i ti kit nou pour mont dan lesyel. Fodre ki enn sa bann zonm, i vin avek nou, temwen son rezireksyon.”

Akt de Zapot 1:8

Me kan Lespri Sen pou desann lo zot, zot pou resevwar en lafors. Zot ava mon bann temwen dan Zerizalenm, dan rezyon Zide antye e dan Samari, ziska dan bout later.”

2 Korentyen 5:8

Wi! Nou ranpli avek kouraz e nou ti ava prefere kit sa lekor pour nou al viv avek Senyer.

Akt de Zapot 3:15

Konmsa ki zot i'n met anmor sa enn, ki li menm sours lavi. Me Bondye in resisit li, e nou, nou la koman temwen.

Ebre 12:1

Nou osi, nou'n ganny antoure par en tel gran lafoul temwen. Annou debaras nou avek tou fardo ki ralanti nou lamars, partikilyerman avek tou pese ki anserkle nou si fasilman. Annou, avek determinasyon, fer sa lakours ki nou'n ganny propoze.

1 Pyer 4:13

Okontrer, zot devre kontan ki zot pe partisip dan soufrans Kris. Konmsa, zot osi, zot ava ranpli avek lazwa, kan son laglwar ava ganny revele.

3 Zan 1:1

Sa let i sorti kot Ansyen, pour mon zanmi, Gayis, ki mon kontan dan laverite.