1 Pyer 4:8 - Labib An Kreol Seselwa

⁸ Avan tou, zot devre annan en gran lanmour pour kanmarad, akoz lanmour i akord pardon en kantite pese.

1 Pyer 4:8 交叉參考

Proverb 10:12

Laenn i provok lager, me lanmour i kouver tou lofans.

Kolosyen 3:14

Pardesi tou, annan lanmour ki soud ansanm tou keksoz parfetman dan larmoni.

Proverb 17:9

Sa enn ki pardonn en lofans i kiltiv lanmitye; me sa enn ki fer rapel dispit i met divizyon ant zanmi.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

Let Zak 5:20

rapel sa byen: Sa enn ki ranmenn en peser lo bon semen e fer li abandonn son lerer, i pou sov en lavi dan lanmor. I pou ganny pardonnen bokou pese.

1 Korentyen 13:1

Sipoze ki mon ti kapab koz lalang tou bann pep e menm lalang bann lanz: Si mon napa lanmour, mon parey en tanbour ki rezonnen, oubyen en senbal ki zis fer tapaz.

1 Tesalonisyen 3:12

Mon demann Senyer ogmant lanmour ki zot annan pour kanmarad e pour tou dimoun, parey lanmour ki nou annan pour zot.

Ebre 13:1

Kontinyen kontan kanmarad koman bann frer ek ser.

1 Timote 1:5

Sa lord ki mon donn ou, i annan pour bi prodwir lanmour ki sorti dan en leker pir, en bon konsyans ek en lafwa senser.

2 Tesalonisyen 1:3

Mon bann frer ek ser! Nou devre touzour remersye Bondye pour zot. Sa i byen, akoz zot lafwa in bokou progrese e lanmour ki zot posede pour kanmarad pe touzour ogmante.

Proverb 18:13

Sa enn ki reponn avan ekoute, i montre koman i bet e i ganny gognarde.

Proverb 12:16

En fou i toudswit montre son lakoler; sa enn ki pridan i manz anndan.

3 Zan 1:2

Mon zanmi! Mon swete ki tou i al byen pour ou, ki ou an bonn sante fizik e spirityel.

Let Zak 5:12

Me avan tou, mon bann frer! Pa bezwen fer serman ni par lesyel, ni par later, ni par okenn fason. Zot wi, i devre wi, e zot non, i devre non, pour ki zot pa tonm anba zizman Bondye.

1 Korentyen 13:4

Lanmour i pasyan, lanmour i bon; lanmour pa zalou; i pa vant son prop lekor.