1 Pyer 4:11 - Labib An Kreol Seselwa

¹¹ Sa enn ki prese, i devre transmet Parol Bondye. Sa enn ki rann servis, i devre fer li avek lafors ki Bondye in donn li: Fodre ki dan tou, Bondye i ganny glorifye par Zezi-Kri, ki posed laglwar, lapwisans pour touzour! Amenn.

1 Pyer 4:11 交叉參考

1 Korentyen 10:31

Alor, kwa ki ou manze, kwa ki ou bwar, nenport kwa ki ou fer, fer tou pour laglwar Bondye.

Efezyen 6:10

Anfen, pran ou lafors dan linyon avek Senyer e dan son gran pwisans.

1 Pyer 4:10

Sakenn zot, koman en bon administrater, itiliz sa bann don spesyal ki Bondye in donn zot, pour fer dibyen lezot.

Akt de Zapot 7:38

Li menm ki ti la avek pep Izrael ki ti'n rasanble dan dezer. I ti la avek nou bann zanset e avek lanz ki ti koz avek li lo montanny Sinai. I ti resevwar bann parol lavi pour transmet avek nou.

Efezyen 4:29

Pa les bann move parol sorti dan zot labous; me koz zis bann parol itil ki kapab ed lezot pour progrese dan lafwa e kan i neseser, pour fer dibyen sa enn ki ekout ou.

Romen 3:2

En gran lavantaz dan tou sans: Premyerman, se avek bann Zwif ki Bondye in konfye son bann promes.

Let Zak 1:19

Mon bann frer byenneme! Konpran sa byen: Zot devre pare pour ekoute; me pran letan avan koze, avan pran lakoler,

Kolosyen 4:6

Veye ki zot parol i touzour agreab e enteresan, pour zot kapab donn bann repons valab tou dimoun.

1 Korentyen 12:4

I annan diferan don spirityel, me en menm Lespri;

1 Pyer 2:5

Zot osi, koman bann ros vivan, ansanm vin konstri sa Tanp kot Lespri i reste. Zot ava form en kominote bann pret sen ki ava ofer sakrifis spirityel, akseptab devan Bondye par Zezi-Kri.

Let Zid 1:25

pour li, sel Bondye, nou Sover par Zezi-Kri nou Senyer, nou rann glwar, grander, pwisans ek lotorite, depi touzour, aprezan e pour touzour. Amenn!

Ebre 5:12

Depi tou sa letan, zot ti'n devre vin bann profeser. Me zot ankor bezwen ganny ansennyen bann prensip elemanter lo mesaz Bondye. Zot ankor pe bezwen dile olye nouritir solid.

1 Timote 6:16

I sa sel Bondye imortel. I reste dan lalimyer ki personn pa kapab aprose. Personn pa'n zanmen war li, ni kapab war li. I merit tou loner ek pwisans eternelman. Amenn.

1 Timote 1:17

Annou rann loner ek laglwar anver Lerwa eternel, sel Bondye imortel e envizib pour touzour! Amenn.

1 Korentyen 3:10

Dapre don ki Bondye in donn mwan, mon'n poz en fondasyon parey en bon arsitek; me en lot pe konstri lo la. Sepandan, sakenn i devre fer atansyon ki mannyer i konstri.

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Ezai 8:20

Konsilte lalwa ek bann temwannyaz! Si zot pa pe eksprim dapre sa parol, Napa lespwar lalimyer en nouvo zour pour lepep.

Psonm 145:13

Ou renny pa pou zanmen fini e ou pouvwar i dire pour touzour. SENYER i tenir tou son promes. I montre son labonte dan tou sa ki i fer.

1 Pyer 5:11

Li menm ki posed lapwisans pour touzour! Amenn.

Let Zak 1:26

Sa enn ki krwar i relizye, si i pa kontrol son langaz, i pe anbet son lekor: Son relizyon pa vo nanryen.

Filipyen 2:11

e ki tou i proklanmen, ki Zezi-Kri i Senyer, pour laglwar Bondye Papa.

Efezyen 5:20

Lo non nou Senyer Zezi-Kri, remersye Bondye, nou Papa toultan pour tou.

1 Korentyen 6:20

akoz Bondye in pey en gran pri pour li aste zot. Alor, servi zot lekor pour loue Bondye.

Romen 11:36

Annefe, tou i sorti kot li; tou i egziste par li e pour li. Bondye i merit laglwar pour touzour! Amenn!

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Danyel 4:3

Son bann mirak i gran! Son bann mervey i pwisan! Son rwayonm i eternel! Son renny i dire pour touzour dan tou zenerasyon!

Zeremi 23:22

Si zot ti konn sa ki mon mazinen dan sekre, zot ti ava'n proklanm mon mesaz avek mon pep. Konmsa, zot ti ava'n kapab fer lepep sanz son mannyer viv, e son move mannyer fer.

Filipyen 1:11

Alor, zot lavi ava ranpli avek bann fri lazistis ki Zezi-Kri i prodwir, pour mazeste ek louanz Bondye.

2 Korentyen 9:13

Bokou dimoun ki pou apresye valer sa don, pou rann glwar Bondye pour zot lobeisans ki temwanny zot fidelite anver Bonn Nouvel Kris. Sa don ava osi rann glwar Bondye pour zot zenerozite dan partaz sa ki zot annan avek sa bann frer e avek tou lezot ankor.

Romen 16:27

Nou rann glwar Bondye, ki sel i posed lasazes, par Zezi-Kri, pour touzour! Amenn.

Levanzil dapre Zan 13:31

Apre ki Zida ti'n ale, Zezi ti dir, “Aprezan, Fis-de-Lonm i ganny glorifye, e mazeste Bondye in ganny revele dan li.

Romen 12:3

Par lagras ki, dan son bonte, Bondye in donn mwan, mon dir avek zot tou: Pa bezwen ganny en tro gran lopinyon lo zot menm. O kontrer, reste rezonnab, mezir zot valer dapre lafwa ki Bondye in donn zot.

2 Korentyen 2:17

Nou pa parey sa kantite lezot dimoun ki fer komers avek Parol Bondye. O kontrer, akoz Bondye ki'n anvoy nou, nou koz avek senserite delapar Bondye, devan Bondye, ini avek Kris.

Efezyen 1:19

sa pwisans ekstraordiner ki i annan pour nou ki krwar dan li. Sanmenm sa pwisans ki i ti manifeste avek bokou lafors,

1 Tesalonisyen 2:4

Me Bondye in teste nou pour konfye nou son Bonn Nouvel. Nou pa prese pour fer plezir zonm, me pour fer plezir Bondye ki war dan fon nou leker.

Let Pol pour bann Tit 2:1

Me ou, Tit! Ansenny sa ki konform avek vre doktrin.

Let Pol pour bann Tit 2:15

Konmsa ki ou devre ansennyen, par servi tou ou lotorite pour ankouraz oubyen repros bann ki ekout ou. Pa les personn mepriz ou.

Ebre 13:7

Rapel bann ansyen ki'n anons zot Parol Bondye. Mazinen ki mannyer zot in viv; imit zot lafwa.

1 Pyer 2:12

Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.

1 Pyer 4:16

Me, si en dimoun pe soufer akoz i en Kretyen, i pa devre onte. Okontrer, i devre plito rann glwar Bondye, akoz i kapab port sa non.