1 Pyer 4:10 - Labib An Kreol Seselwa

¹⁰ Sakenn zot, koman en bon administrater, itiliz sa bann don spesyal ki Bondye in donn zot, pour fer dibyen lezot.

1 Pyer 4:10 交叉參考

Mark 10:45

Annefe, Fis-de-Lonm pa'n vini pour ganny servi, me pour servi e donn son lavi koman en ranson pour sov bokou dimoun.”

Ebre 6:10

Bondye pa enzis. I pa pou oubliy travay ki zot in fer, ni lanmour ki zot in montre pour li par servis ki zot in rann e pe kontinyen rann anver lezot kretyen.

1 Korentyen 15:10

Me par lagras Bondye, mon sa ki mon ete, e son lagras pour mwan i pa'n initil. O kontrer, mon'n travay plis ki tou lezot; pa mwan, me lagras Bondye ki avek mwan.

1 Korentyen 3:10

Dapre don ki Bondye in donn mwan, mon'n poz en fondasyon parey en bon arsitek; me en lot pe konstri lo la. Sepandan, sakenn i devre fer atansyon ki mannyer i konstri.

Efezyen 4:11

Li menm ki'n etabli serten koman zapot, ouswa koman profet; serten pour anons Bonn Nouvel, serten koman paster, oubyen serten koman ansennyan.

Romen 15:27

Zot in deside fer sa par zot menm. Me an realite, se en det ki zot pe pey zot bann frer Zerizalenm. Annefe, bann non-Zwif in partisip dan benefis spirityel bann ki'n konverti. Aprezan, i zot devwar pour rann servis lo kote materyel.

Let Pol pour bann Tit 1:7

Annefe, fodre ki en dirizan Legliz ki en serviter Bondye, i san repros. I pa devre ni arogan, ni malsoufran, ni soular, ni vyolan, ni rod fer profi malonnet.

Efezyen 3:8

Mon pli pti parmi tou bann krwayan. Pourtan, Bondye in donn mwan sa privilez pour anons bann non-Zwif, larises Kris ki san limit.

Levanzil dapre Lik 12:42

Zezi ti reponn li, “Lekel sa serviter fidel e onnet ki son met ava etabli li ansarz son lakour pour li donn lezot serviter zot rasyon dible kan fodre?

1 Korentyen 4:7

Lekel ki fer ou diferan avek lezot? Ki ou posede ki ou pa ti resevwar? Alor, si ou'n resevwar, akoz ou vant ou lekor konmsi ou pa'n resevwar?

Levanzil dapre Lik 19:13

I ti apel dis son bann serviter, e donn sakenn en pyes lor. I ti dir zot: Fer komers avek sa larzan, ziska ki mon retournen.

Levanzil dapre Lik 8:3

Zann, fanm Souza, en zofisye Herod, Sizann ek plizyer lezot ankor ki ti servi sa ki zot ti annan pour ed Zezi ek son bann disip.

2 Korentyen 6:1

Akoz nou bann kolaborater Bondye, nou sipliy zot pour pa negliz sa lagras ki zot in resevwar avek li.

Romen 15:25

Me pour lemoman, mon pe al Zerizalenm pour rann servis bann krwayan ki laba.

Matye 25:44

Alor zot pou reponn li: Senyer! Kan eski nou ti war ou lafen oubyen swaf, en etranze oubyen touni, malad oubyen dan prizon, e ki nou pa ti pran swen avek ou?

Matye 20:28

Dan sa menm fason, Fis-de-Lonm pa'n vini pour ganny servi, me pour servi e donn son lavi koman pri pour liber bokou dimoun.”

2 Timote 1:18

Mon demande ki zour zizman, Senyer ava akord li konpasyon ki sorti kot Bondye. Ou osi konnen, sa kantite servis ki i'n rann mwan kan mon ti Efez.

Matye 24:45

“Alor, lekel sa serviter fidel e saz, ki son met in kit ansarz bann domestik, pour nouri zot kan fodre?

Matye 24:14

Sa Bonn Nouvel Rwayonm pou ganny anonse partou dan lemonn, pour ki tou dimoun i tande. Apre sa, lafen pou arive.”

2 Korentyen 9:1

I pa neseser ki mon ekri zot konsernan led pour bann krwayan ki dan Zide.

Matye 24:21

Annefe, sa pou en letan gran soufrans, pli terib ki'n deza arive depi konmansman lemonn ziska konmela, i ki pa pou zanmen ariv ankor.

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.

1 Pyer 5:12

Mon ekri zot sa kourt let avek led Silas, ki en frer fidel, pour ankouraz zot, e asir zot ki sa i vre lagras Bondye. Reste ferm ladan.

Matye 25:17

Sa enn ki ti ganny de talan ti fer parey e i ti ganny ankor de lezot talan.