1 Pyer 3:8 - Labib An Kreol Seselwa

⁸ Anfen, zot tou, zot devre annan menm panse ek menm santiman. Kontan kanmarad koman frer; annan konpasyon pour kanmarad e viv dan limilite.

1 Pyer 3:8 交叉參考

Romen 12:10

Annan en gran lafeksyon ant zot, parey bann frer ki kontan kanmarad; setaki, montre plis respe pour kanmarad.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

Efezyen 4:31

Debaras zot avek tou move santiman, iritasyon e lakoler. Fer disparet tou kriye ek lensilt. Pa bezwen annan okenn santiman mesanste.

Let Zak 3:17

Me lasazes ki sorti dan lesyel i premyerman pir. I kontan lape, i modere, pare pour met dakor. I ranpli avek pitye ek bon aksyon, san preferans e san lipokrizi.

Efezyen 4:2

Viv touzour dan limilite, ladouser ek pasyans. Siport kanmarad dan lanmour.

Zakari 7:9

La sa ki SENYER liniver i deklare: Rann bann vre zizman; pratik labonte ek konpasyon antre zot.

Kolosyen 3:12

Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.

1 Korentyen 12:26

Si en parti lekor i soufer, tou lezot parti i soufer avek li; si en parti i ganny onore, tou lezot parti i osi rezoui avek li.

Matye 18:33

Ou osi, pa ou ti devre pran pitye pour ou kanmarad, parey mon ti pran pitye pour ou?

1 Zan 3:14

Nou konnen ki nou'n sorti dan lanmor pour pas dan lavi. Nou konn sa, akoz nou kontan nou frer. Sa enn ki pa kontan, i ankor anba pouvwar lanmor.

1 Korentyen 1:10

Mon bann frer ek ser! Mon demann zot lo non Zezi-Kri nou Senyer: Met zot byen dakor ansanm; pa les okenn divizyon egziste parmi zot. Reste byen ini ansanm dan en menm mannyer panse e menm konviksyon.

Akt de Zapot 4:32

Tou bann krwayan ti annan en sel leker ek en sel lespri. Personn pa ti apel sa ki i annan son byen personnel, me zot ti partaz ant zot, tou sa ki zot ti posede.

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.

Ebre 13:1

Kontinyen kontan kanmarad koman bann frer ek ser.

2 Pyer 1:7

Anfen, azout avek fidelite anver Bondye, lafeksyon fraternel, e avek lafeksyon fraternel, lanmour.

1 Pyer 2:17

Annan respe pour tou dimoun. Kontan zot bann frer dan lafwa. Ador Bondye e annan respe pour lerwa.

Psonm 103:13

Parey en papa i annan konpasyon pour son bann zanfan, SENYER i annan konpasyon pour sa enn ki obei li.

Let Zak 5:11

Nou deklar zot byennere akoz zot i'n reste fidel. Zot in antann koz lo pasyans Zob. Zot in war sa ki Senyer in fer pour li alafen. Annefe, Senyer i ranpli avek labonte ek konpasyon.

Let Zak 2:13

Annefe, Bondye pou san pitye kan i pou ziz sa enn ki pa'n pran pitye pour lezot. Me sa enn ki annan pitye, napa nanryen pour li per zizman.

Filipyen 3:16

An tou ka, annou kontinyen avans dan sa direksyon ki nou'n pran ziska prezan.

Romen 15:5

Bondye ki donn peseverans ek lankourazman, ava rann zot byen dakor ant zot, an swivan legzanp Zezi-Kri.

Akt de Zapot 28:7

Ti annan dan zalantour, en propriyete ki ti pour sef zil ki ti apel Pibliis. I ti byen resevwar nou se li pandan trwa zour.

Akt de Zapot 27:3

Lannmen, nou ti ariv Sidon. Zilyis ti tret Pol avek respe. I ti permet li al war son bann zanmi pour li kapab ganny tou sa ki i ti bezwen.

Akt de Zapot 2:1

Zour Lapannkot, tou bann disip ti'n rasanble ansanm dan en menm landrwa.

Proverb 28:8

Si en dimoun i vin ris, par pret larzan avek gro lentere, son larises pou al pour sa enn ki bon anver bann pov.

Levanzil dapre Lik 10:33

Me en Samariten, ki ti an vwayaz, ti ariv pre kot sa zonm. Kan i ti war sa zonm blese, i ti pran pitye.

Efezyen 4:32

O kontrer, viv bon, ranpli avek lafeksyon anver kanmarad; pardonn kanmarad, parey Bondye in pardonn zot par Kris.

Filipyen 2:3

Pa fer nanryen dan en lespri konpetisyon ni par lorgey. O kontrer avek limilite, konsider lezot pli enportan ki ou.