1 Pyer 3:18 - Labib An Kreol Seselwa

¹⁸ Annefe, Kris in osi mor pour nou pese en fwa pour tou. Li, sa enn ki ti inosan, i'n mor pour bann ki ti koupab, pour anmenn nou tou kot Bondye. Zot ti touy li dan son lekor fizik, me i ti revin vivan par Lespri Sen.

1 Pyer 3:18 交叉參考

Ebre 9:28

De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.

Ebre 9:26

Otreman, i ti ava bezwen soufer plizyer fwa depi kreasyon lemonn. An realite, i'n aparet en fwa pour tou, la dan lafen letan, pour abolir pese, par ofer son prop lekor an sakrifis.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

1 Pyer 4:6

Se pour sa rezon ki Bonn Nouvel ti ganny osi anonse avek bann ki'n mor, pour ki menm si zot i'n ganny zize fizikman koman imen, gras a Lespri, zot ava kapab viv lavi Bondye.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

1 Zan 1:9

Si nou konfes nou pese, Bondye ki fidel e zis, pou pardonn nou nou pese e pirifye nou kont tou lenzistis.

Romen 4:25

Zezi ti ganny livre anmor akoz nou bann pese. Me Bondye i'n resisit li pour rann nou zis devan li.

1 Pyer 4:1

Alor, akoz Kris in soufer fizikman, zot osi, zot devre annan sa menm konviksyon. Annefe, sa enn ki'n soufer fizikman, i'n fini avek pese,

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

Galat 3:13

Kris in liber nou kont malediksyon Lalwa, akoz i'n pran malediksyon dan nou plas. Annefe, Lekritir i deklare: Modi sa enn ki ganny pann lo en pye dibwa.

Galat 1:4

Kris in donn son prop lekor pour sov nou dan nou pese, pour delivre nou anba pouvwar sa lemonn aktyel e move, dapre lavolonte Bondye, nou Papa.

2 Korentyen 13:4

I vre ki kan i ti ganny krisifye, i ti dan febles; me aprezan i vivan par pwisans Bondye. Nou osi nou feb akoz nou ini avek li; me pour zot, nou pou viv avek li par pwisans Bondye.

Romen 5:2

Gras a Zezi, nou kapab, par lafwa, ganny lagras Bondye, dan ki nou annan lavi. Sa ki fer nou fyer, se lespwar pour ganny en par dan mazeste Bondye.

Romen 1:4

Me dapre Lespri Sen, i'n ganny manifeste koman Garson Bondye avek pwisans, kan i ti resisite.

Let Zak 5:6

Zot in kondann e touy dimoun inosan, ki pa'n montre okenn rezistans.

Akt de Zapot 3:14

Zot in renye sa enn ki sen e zis, e zot in prefere demann Pilat pour donn laliberte en kriminel.

2 Korentyen 1:24

I pa vedir ki nou ti oule komann zot lafwa. Annefe, zot pe reste solid dan lafwa; me nou oule plito kontribye pour rann zot ere.

Romen 8:11

Si Lespri Bondye ki'n resisit Kris i reste dan zot, alor, sa enn ki'n resisit Kris, pou donn osi lavi zot lekor mortel par son Lespri ki dan zot.

Akt de Zapot 22:14

I ti azoute, “Bondye nou bann zanset in swazir ou davans pour fer ou konn son lavolonte, pour ou war sa enn ki Zis, e pour ou antann son prop lavwa.

Matye 27:19

Pandan ki Pilat ti ankour, son fanm ti anvoy li sa mesaz, “Pa mel ou dan zafer sa zonm zis. Akoz li, mon'n soufer bokou dan en rev sa lannwit.”

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Danyel 9:26

Apre sa 62 semenn, sa enn ki'n resevwar lonksyon pou ganny detri, san personn pour defann li. Sef en larme ki pou vini, pou detri lavil ek sanktyer, me i pou ganny detri, e lager pou kontinyen ziska lafen; pou annan gran destriksyon.

Matye 27:24

Pilat ti war ki pa ti vo lapenn kontinyen, e ki en revolt ti pe al konmanse. Alor, i ti pran delo e lav son lanmen devan lafoul. I ti dir, “Mon pa responsab disan sa zonm! Sa i zot zafer!”

Levanzil dapre Zan 16:10

konsernan lazistis, akoz mon pe al kot mon Papa e zot pa pou war mwan ankor;

Efezyen 3:12

Ini avek Kris e par nou lafwa dan li, nou annan sa liberte pour prezant nou devan Bondye ranpli avek konfyans.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.

Ebre 10:10

Zezi-Kri in fer lavolonte Bondye. I'n ofer li menm en fwa pour tou. Konmsa ki nou pese in ganny pardonnen.

1 Pyer 3:19

Par pwisans sa menm Lespri, i ti osi al pres avek bann lespri ki ti dan prizon,

Nonm 7:15

en toro, en mouton mal adilt, en zenn mouton aze enn an pour sakrifis konplet;