1 Pyer 3:11 - Labib An Kreol Seselwa

¹¹ I devre aret fer sa ki mal, e pratik sa ki byen. I devre rod lape e fer lape.

1 Pyer 3:11 交叉參考

Matye 5:9

Byennere bann ki fer lape, akoz zot pou ganny apele bann zanfan Bondye!

Psonm 34:14

Aret fer sa ki mal, pratik sa ki byen; rod lape e met li an pratik.

Ebre 12:14

Fer tou zefor posib pour rod lape avek tou dimoun. Viv en lavi sen, sankwa personn pa pou war Senyer.

Romen 14:19

Alor, annou rod sa bann keksoz ki prodwi lape, e rann nou for ansanm dan lafwa.

Kolosyen 3:15

Mon swete ki lape Kris i diriz zot leker. Annefe, se ver sa lape ki Kris in apel zot kan i ti fer zot vin en sel lekor. Montre zot touzour rekonesan.

Romen 14:17

Rwayonm Bondye pa en zafer manze ek bwar, me i lazistis, lape ek lazwa dan Lespri Sen.

Romen 12:18

Si i posib, fer tou sa ki depann lo zot, pour zot viv anpe avek tou dimoun.

3 Zan 1:11

Mon zanmi! Pa imit sa ki mal, me imit plito sa ki byen. Sa enn ki pratik sa ki byen, i pour Bondye. Sa enn ki fer sa ki mal, pa konn Bondye.

Let Zak 4:17

Donk, sa enn ki konn fer sa ki byen me i pa fer li, i koupab; i komet en pese.

Ebre 13:16

Me pa manke fer dibyen e ed kanmarad, akoz se bann sakrifis parey ki fer plezir Bondye.

1 Timote 6:18

Konsey zot pour fer sa ki byen; zot devre ris an bonn aksyon. Zot devre montre zot zenere e touzour pare pour partaz avek lezot.

Galat 6:10

Alor, pandan ki nou annan lokazyon, annou fer dibyen tou dimoun, sirtou nou bann frer ek ser dan lafwa.

Galat 5:22

Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,

Romen 8:6

Kan nou dezir i ganny kontrole par natir imen, i anmenn lanmor. Me kan nou dezir i ganny kontrole par Lespri, i anmenn lavi ek lape.

Romen 7:21

Mon'n alor dekouver sa prensip: Kan mon oule fer sa ki byen, mon zis kapab fer sa ki mal.

Romen 5:1

Ensi, aprezan ki nou'n ganny zistifye par nou lafwa, nou anpe avek Bondye par nou Senyer Zezi-Kri.

Levanzil dapre Zan 17:15

Mon pa demann ou pour tir zot dan lemonn, me mon demann ou pour prezerv zot kont sa enn ki apel Malen.

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Matye 5:45

Alor, zot ava vin bann vre garson zot Papa ki dan lesyel. Annefe, i fer son soley leve lo bann ki move e lo bann ki bon; i fer tonbe lapli lo bann ki zis e lo bann ki pa zis.

Psonm 37:27

Aret fer sa ki mal, pratik sa ki byen e ou ava reste dan sa pei pour touzour.

Romen 7:19

Annefe, mon pa fer lebyen ki mon anvi fer, me mon fer lemal ki mon pa anvi fer.

Levanzil dapre Lik 6:35

Me ou, kontan ou bann lennmi, fer dibyen, e prete san esper nanryen an retour. Ou rekonpans i ava gran e ou ava vin zanfan Bondye Treo. Annefe, i bon anver bann ki engra e bann ki move.

Levanzil dapre Lik 6:9

Zezi ti dir zot, “Les mwan demann zot: Eski Lalwa i permet fer dibyen zour saba oubyen fer dimal? Sov lavi, oubyen detri lavi?”

Levanzil dapre Lik 1:79

I pou ekler tou dimoun ki reste dan fernwanr e dan lonbraz lanmor. I pou diriz nou lepa lo semen lape.

Mark 14:7

Annefe, zot pou touzour annan bann pov parmi zot. Si zot anvi, zot pou touzour kapab fer dibyen bann pov. Me mwan, mon pa pou toultan avek zot.

Proverb 16:17

Semen sa enn ki drwat i evit lemal; sa enn ki vey lo son mannyer viv, i protez son lavi.

Proverb 16:6

Lalwayote ek lanmour i pardonn en fot; Sa enn ki annan respe pour SENYER i evit fer sa ki mal.

Proverb 3:7

Pa krwar ou tro saz; annan respe pour SENYER e elwanny avek sa ki mal.

Psonm 125:4

SENYER! Fer dibyen pour bann ki bon, pour bann ki leker i drwat.

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Liv Zob 2:3

SENYER ti demann li, “Eski ou'n remark mon serviter Zob? Napa personn koman li lo later. I en zonm zis e drwat. I annan bokou respe pour Bondye e i evite fer sa ki mal. I reste touzour fidel, menm si ou'n pous mwan pour detri li san rezon.”

Liv Zob 1:1

Dan pei Ous, ti annan en zonm ki ti apel Zob. I ti en zonm zis e drwat. I ti annan gran respe pour Bondye e i ti evite fer sa ki mal.

1 Pyer 3:12

Annefe, lizye Senyer i fikse lo bann zis. Son zorey i ouver pour ekout zot lapriyer. Me vizaz Senyer i tourn kont bann ki fer sa ki mal.

Ziz 11:14

Zefte ti anvoy ankor bann mesaze kot lerwa bann Amonit,