1 Pyer 2:11 - Labib An Kreol Seselwa

¹¹ Mon bann zanmi! Mon demann zot ki bann etranze e bann vwayazer: Gard zot kont bann dezir natir imen ki fer lager kont zot menm.

1 Pyer 2:11 交叉參考

Galat 5:24

Me bann ki pour Zezi-Kri, in krisifye zot prop natir imen avek zot bann pasyon ek zot bann dezir.

1 Pyer 4:2

pour li viv leres son lavi, non pa dapre son dezir imen, me dapre lavolonte Bondye.

Ebre 11:13

Zot tou, zot in mor dan lafwa, san ki zot ti'n resevwar sa ki zot ti'n ganny promet. Me zot in war li dan lwen e zot in rezoui. Zot ti deklare ki zot ti bann etranze e bann egzile lo later.

Romen 8:13

Annefe, si zot viv dapre zot prop natir, zot pou mor. Me si par Lespri, zot touy bann aksyon zot natir egois, zot ava viv.

1 Kronik 29:15

Parey nou bann zanset, nou en bann etranze e bann pasaze devan ou. Nou lavi lo later i parey en lonbraz e napa okenn lespwar.

Let Zak 4:1

Kote lager ek kerel parmi zot i sorti? Eski pa i rezilta zot pasyon ki konbat san pozman dan zot lekor?

2 Timote 2:22

Alor, pa swiv bann pasyon lazenes. Rod lazistis, lafwa, lanmour, lape, ansanm avek bann ki envok Senyer avek en leker pir.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Romen 12:1

Alor, mon bann frer ek ser! Pour tou sa bonte ki Bondye in manifeste anver nou, mon ankouraz zot pour ofer zot lekor koman en sakrifis vivan, sen e agreab, devan Bondye. Sa i ava zot ladorasyon spirityel.

Efezyen 4:1

Mwan ki prizonnyen, akoz mon dan servis Senyer, mon sipliy zot: Viv zot lavi dapre sa lapel ki Bondye in fer zot.

Romen 7:23

Me mon trouv en lot lalwa dan mwan ki lit kont lalwa ki dan mon lespri e ki fer mwan prizonnyen lalwa pese ki dan mwan.

Akt de Zapot 15:29

Pa manz lavyann ki'n ganny sakrifye avek zidol, pa manz disan, pa manz zannimo toufe, e evit tou imoralite. I ava byen si zot evit fer tousala. Adye!

Levanzil dapre Lik 21:34

“Fer byen atansyon: Pa les zot lespri angourdi avek festen, labwason ek traka lavi. Fer atansyon ki sa zour pa sirprann zot

Psonm 119:19

Mon zis en pasaze lo later; pa kasyet mwan ou bann komannman.

Psonm 39:12

SENYER! Ekout mon lapriyer. Mon kriy ou. Ekout mwan! Pa reste endiferan devan mon larm. Mon en pasan kot ou; en etranze parey tou mon bann zanset.

Levitik 25:23

Later pa pou ganny vann dan en fason definitif; pei i pour mwan. Zot se mwan koman bann etranze e bann viziter.

1 Pyer 1:17

Kan zot priye, zot apel Bondye koman zot Papa. I pa fer okenn preferans, e i ziz sak dimoun dapre sa ki i'n fer. Alor, pandan sa letan ki reste pour zot lo later, montre ki zot annan respe pour li, par zot mannyer viv.

2 Korentyen 6:1

Akoz nou bann kolaborater Bondye, nou sipliy zot pour pa negliz sa lagras ki zot in resevwar avek li.

2 Korentyen 5:20

Nou'n vin bann anbasader anvoye par Kris. Atraver nou, Bondye li menm in apel zot. O non Kris, nou sipliy zot, les zot ganny rekonsilye avek Bondye.

Akt de Zapot 15:20

Me annou ekri zot e demande ki zot pa manz lavyann ki'n ganny ofer avek bann zidol, gard zot kont tou pratik imoral, pa manz zannimo ki'n toufe, ni disan.

Zenez 47:9

Zakob ti reponn, “I annan 130 an depi ki mon lo later. Mon bann lannen in kourt e difisil; pa otan ki pour mon bann zanset pandan zot bann long lavi nomad.”

1 Pyer 1:1

Sa let i sorti kot Pyer, en zapot Zezi-Kri, pour bann pep egzile ki viv koman refizye, e ki'n disperse atraver provens Pon, Galasi, Kapados, Lazi ek Bitini.

Psonm 119:54

Ou bann regleman i size mon bann sanson la kot mon viv.

Zenez 23:4

I ti dir zot, “Mon pe viv isi parmi zot koman en etranze. Vann mwan en propriyete koman en landrwa pour anter mon fanm.”

Efezyen 2:19

Par konsekan, zot bann non-Zwif, zot nepli bann etranze, ni bann egzile. Me zot aprezan bann konsitwayen, manm pep Bondye, e zot form parti lafanmir Bondye.

Ebre 6:9

Mon bann zanmi! Menm si nou koz konmsa, nou sir ki zot lo sa bon semen ki donn ladelivrans.

1 Pyer 4:12

Mon bann zanmi! Pa bezwen etonnen par bann gran soufrans ki zot pe pas ladan. Napa nanryen ekstraordiner dan sa ki pe ariv zot.

2 Pyer 3:1

Mon bann zanmi! Sa i dezyenm let ki mon ekri zot. Dan tou le de, mon'n fer zot rapel bann souvenir ki ava ed zot konpran.

Zenez 21:34

Abrahanm ti reste en bon pe letan koman en etranze dan pei bann Filisten.

Levitik 15:18

Kan en zonm i ganny en relasyon seksyel avek en fanm, tou le de, zot devre pran en ben; zot ava reste enpir ziska aswar.