1 Pyer 1:12 - Labib An Kreol Seselwa

¹² Zot ti ganny revele ki sa mesaz pa ti pour zot menm bann profet, me pour zot. Aprezan, zot in resevwar sa mesaz par bann predikater Bonn Nouvel. Zot in anons sa Bonn Nouvel par pwisans Lespri Sen sorti dan lesyel, ki menm bann lanz ti ava byen kontan konnen.

1 Pyer 1:12 交叉參考

Levanzil dapre Zan 15:26

Kan Konseye pou vini, Lespri laverite, ki mon pou anvoye sorti kot mon Papa, i pou temwanny dan mon faver.

Efezyen 3:10

Konmsa, gras a Legliz, bann lanz, bann lotorite ek pwisans dan lesyel ava kapab konn lasazes Bondye dan son diferan form.

1 Korentyen 2:10

Bondye in revel son sekre avek nou, par Lespri Sen. Annefe, Lespri i kapab egzamin tou, menm plan pli sekre Bondye.

Ebre 4:2

Annefe, nou'n resevwar mesaz Bonn Nouvel parey zot, me sa mesaz ki zot in tande pa'n servi zot dan nanryen, akoz sa dimoun ki ti antann li pa ti resevwar li avek lafwa.

Mark 16:15

I ti dir zot, “Al partou dan lemonn antye; anons Bonn Nouvel avek tou dimoun.

1 Pyer 1:25

Me parol Senyer li, i reste pour touzour. Sanmenm sa parol Bonn Nouvel ki'n ganny anonse avek zot.

Revelasyon 5:11

Mon ti get ankor: Otour tronn ek bann kreatir vivan, mon ti antann lavwa en gran kantite lanz, mil milyon zot.

2 Korentyen 6:6

Nou'n montre ki nou ete par nou lavi pir, nou konnesans, nou pasyans, nou bonte, par laksyon Lespri Sen, nou lanmour senser,

2 Korentyen 1:22

Li menm ki'n mark nou avek son sele e ki'n met Lespri Sen dan nou leker koman en garanti.

Romen 15:19

par pwisans bann siny ek bann mirak, par pwisans Lespri Bondye. Mon'n alor anons plennman Bonn Nouvel konsernan Kris, partou, depi Zerizalenm, ziska rezyon Iliri.

Akt de Zapot 2:33

I'n ganny plase lo kote drwat Bondye e in resevwar Lespri Sen avek son Papa parey i ti'n promet li. Sa ki zot pe tande e war la, sanmenm sa Lespri ki i'n devers lo nou.

Danyel 12:13

Me ou, kontiny ou semen ziska lafen. Ou ava pran ou repo e ou ava leve pour resevwar ou rekonpans dan letan lafen.”

Danyel 12:9

I ti dir mwan, “Kontinyen, Danyel, akoz sa bann parol pou reste sekre, kaste, ziska letan lafen.

Ebre 2:4

Anmenmtan, Bondye in konfirm sa temwannyaz par bann siny, bann levennman ekstraordiner ek toudsort mirak. I'n osi distribye bann don Lespri Sen dapre son lavolonte.

Galat 1:16

I ti trouv bon pour revel mwan son Garson, pour ki mon anons li parmi bann non-Zwif.

Galat 1:12

Mon pa ti ganny li oubyen aprann li avek en zonm, me mon'n resevwar li par en revelasyon Zezi-Kri.

Romen 10:15

Ki mannyer en dimoun pou anons li, si napa personn ki'n ganny anvoye? Parey Lekritir i deklare: Pa i gou war arive bann ki anons Bonn Nouvel!

Romen 1:17

Annefe, Bonn Nouvel i revele koman Bondye i rann bann imen zis devan li: Sa i selman par lafwa depi konmansman ziska lafen, parey Lekritir i deklare: Sa enn ki zis, pou viv par lafwa.

Levanzil dapre Lik 15:10

Mon dir zot, i parey dan lesyel: Bann lanz Bondye i kontan kan en sel peser i sanz son lavi.”

Matye 11:25

Dan sa letan, Zezi ti dir: Mon remersye ou, Papa, Senyer lesyel ek later. Ou'n kasyet tou sa bann keksoz avek bann dimoun saz e entelizan, me ou'n revel zot avek bann zanfan.

Amos 3:7

Annefe, Senyer BONDYE pa fer nanryen, san revel son plan avek son bann serviter, bann profet!

Danyel 9:24

En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.

1 Tesalonisyen 2:9

Mon bann frer ek ser! Zot rapel sertennman nou travay ek nou lafatig: Pandan ki nou ti pe anons zot Bonn Nouvel, nou ti travay aswar koman lizour, pour ki nou pa vin en traka pour personn.

Levanzil dapre Lik 9:6

Bann disip ti ale. Dan sak vilaz kot zot ti pase, zot ti anons Bonn Nouvel e geri dimoun.

Levanzil dapre Lik 2:26

Lespri Sen ti'n fer li konnen ki i pa pou mor avan ki i war Mesi ki Senyer ti'n promet.

Matye 16:17

Zezi ti reponn li, “Ou ere, Simon, garson Zonas! Annefe, sa ki ou'n dir, pa en dimoun ki'n dir ou, me mon Papa ki dan lesyel.

Matye 11:27

Mon Papa in donn mwan tou keksoz. Personn pa konn son Garson, eksepte son Papa, e personn pa konn son Papa, eksepte son Garson ek bann ki son Garson in swazir pour revel son Papa.

Zakari 12:10

Mon pou repann lo tribi David e lo bann zabitan Zerizalenm, en lespri konpasyon ek siplikasyon. Konmsa, kan zot ava lev lizye ver mwan ki zot in transperse, zot ava plere, parey sa enn ki pler son sel garson avek bokou tristes, parey sa enn ki plere lo son premye zanfan.

Danyel 10:1

Dan trwazyenm lannen Siris, lerwa Lapers, en mesaz ti ganny revele avek Danyel, ki zot ti osi apel Beltasar. Sa mesaz ti vre! Pou annan en gran konba. Danyel ti resevwar sa mesaz e i ti konpran sa vizyon.

Danyel 8:13

Apre, mon ti antann en lanz koze. En dezyenm lanz ti dir avek sa enn ki ti pe koze, “Ziska kan sa vizyon lo sakrifis tou le zour e lo transgresyon pou kontinyen? Ziska kan sanktyer ek larme lesyel pou ganny kraze anba lipye?”

Danyel 2:47

Lerwa ti dir Danyel, “Vreman, ou Bondye i Bondye tou bann bondye, e SENYER tou bann lerwa, sa enn ki revel bann mister, akoz ou'n kapab revel sa mister avek mwan!”

Danyel 2:22

I revel bann keksoz ki profon e bann ki sekre, I konnen sa ki kasyet dan fernwanr, akoz i antoure avek lalimyer.

Danyel 2:19

Sa menm swar, sa rev mister ti ganny revele avek Danyel dan en vizyon. Danyel ti remersye Bondye ki dan lesyel.

Ezai 32:15

ziska zour Lespri sorti lao dan lesyel ava desann lo nou. Alor, dezer pou vin en plantasyon fri, en verze ki vin parey en lafore.

Proverb 1:23

Ekout mon bann lavertisman! Alor, mon ava devers mon konnesans lo zot; mon ava fer zot konn mon mesaz.

Egzod 25:20

Lezel bann seriben ava leve anler pour protez plak kouvertir. Zot ava ganny plase fas a fas; zot figir pou tourn ver en plak kouvertir Kof Lalyans.

Ebre 11:13

Zot tou, zot in mor dan lafwa, san ki zot ti'n resevwar sa ki zot ti'n ganny promet. Me zot in war li dan lwen e zot in rezoui. Zot ti deklare ki zot ti bann etranze e bann egzile lo later.

Ezai 53:1

Lekel ki'n krwar dan sa ki nou'n tande? Pour lekel ki SENYER in revel son pwisans?

Romen 1:15

Pour sa menm rezon ki mon annan sa gran dezir vin anons Bonn Nouvel avek zot ki reste Ronm.

Akt de Zapot 16:10

Deswit, apre ki Pol ti'n ganny sa vizyon, nou ti met nou pare pour al Masedwann, akoz nou ti asire ki Bondye ti'n apel nou pour al anons Bonn Nouvel bann zabitan sa rezyon.

Akt de Zapot 10:44

Pandan ki Pyer ti pe koze, Lespri Sen ti desann lo tou sa bann dimoun ki ti la pe ekout Laparol.

Akt de Zapot 8:25

Apre ki zot ti'n rann temwannyaz e anons Parol Bondye, Pyer ek Zan ti retourn Zerizalenm. Pandan zot vwayaz, zot ti anons Bonn Nouvel dan en kantite vilaz Samari.

Akt de Zapot 4:31

Kan zot ti'n fini priye, landrwa kot zot ti'n reini ti sekwe. Zot tou, zot ti ranpli avek Lespri Sen e zot ti konmans anons mesaz Bondye san okenn lafreyer.

Akt de Zapot 4:8

Alor Pyer, ranpli avek Lespri Sen ti dir zot, “Sef pep Izrael ek bann ansyen!

Zoel 2:28

Apre sa, mon pou devers mon lespri lo tou dimoun: Zot zennzan ek zot zenn fiy pou profetize. Zot bann vyeyar pou ganny rev, Zot bann zennzan pou ganny vizyon.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

1 Pyer 4:6

Se pour sa rezon ki Bonn Nouvel ti ganny osi anonse avek bann ki'n mor, pour ki menm si zot i'n ganny zize fizikman koman imen, gras a Lespri, zot ava kapab viv lavi Bondye.