線上聖經

首頁
線上聖經
Timɔtee nín-yání 6:16

Timɔtee nín-yání 6:16 - Dónbeenì páaníi fĩnle vũahṹ

¹⁶ Lerɛ́n mí dòn lé dìo wi fɛ́ɛɛ. Mu khoomu na le wi yi ɓàn síi á nùpue yí dà máa sùará yi. Nùpue dĩǹ yí mɔn le, ó o ɓúi mún yí dà máa mi le. Le ho cùkú lè ho pànká à bìo sĩ̀ le yi fɛ́ɛɛ. Amiina!

參見章節 複製

Timɔtee nín-yání 6:16
30 交叉參考

Zãn 1:18

Nùpue na dĩǹ mɔn le Dónbeenì wón mía. Ká arɛ́n na lé o Za kéní na lé le Dónbeenì, yìa páanía wi là a Maá Dónbeenì, lé wón nɔn ó o Maá bìo zũnáa.

Zãn 14:9

Ó o Yeesu bía nɔn wo yi: «Éee! Filiipu, ĩnɛ́n wi làa mia míana, à ũ pá yí zũ mi le? Yìa mɔn mi, se ɓànso mɔn o Maá. Á fo tĩ́n le ĩ zéení a Maá làa fo le we?

Zãn 6:46

Bṹn yí máa zéení le ĩ le nùpue ɓúi mɔn o Maá. Yìa ló le Dónbeenì cɔ̃́n ɓuara, lé wón mí dòn mɔn wo.

Zãn 8:58

Ó o Yeesu bía nɔn ɓa yi: «Le ĩ mì ho tũ̀iá na mia: O Abarahaamu á à bío le mí ì te, à bṹn à ĩnɛ́n wi.»

Efɛɛzesa 3:21

Á mi wã́a wa khòoní le Dónbeenì bìo le wee dĩ̀n ɓa kèrètĩ́ɛwa ɓúenɓúen kuure là a Yeesu Krista wán à wé bìo yi. Mi wa khòoní le fɛ́ɛɛ hã lúlúio na ɲii mía yi. *Amiina!

Filiipusa 4:20

Le ho cùkú à bìo sĩ̀ wàn Maá Dónbeenì yi fɛ́ɛɛ hã lúlúio na ɲii mía yi. *Amiina!

Koloosisa 1:15

O Za mu yi á wa wee mi le Dónbeenì na yí dà máa mi. O kĩ́ mu bìo ɓúenɓúen, á wi mu bè-lénnia ɓúenɓúen ɲúhṹ wán.

Timɔtee nín-yání 1:17

Le ɓa nùpua ɓúenɓúen dé ho cùkú le Dónbeenì yi à wé kɔ̃̀nbi le, lerɛ́n na á nùpue yí dà máa mi, á wi fɛ́ɛɛ, á wee dí le bɛ́ɛnì fɛ́ɛɛ. Lerɛ́n mí dòn lé le Dónbeenì. *Amiina!

Hebere 13:8

Bìo ó o Yeesu *Krista karáa ho hĩihṹ lé bṹn ó o mún karáa ho zuia. Lé bṹn ó o ò dĩ̀nnáa fɛ́ɛɛ máa yèrèmá hùúu.

Zaaki 1:17

Mu bè-tentewà ɓúenɓúen wee lé le Dónbeenì cɔ̃́n, dén mí dòn na léra mu khoomu. Le Dónbeenì dĩ̀n mí dĩ̀nníi, le yí máa yèrèmáka lòn tàró.

Zãn nín-yání 1:5

Dìo kà lé le bíonì na wa ɲá o Yeesu *Krista cɔ̃́n, dìo wa à bue á a na mia: Le Dónbeenì ka wéréwéré lòn khoomu. Hàrí bìo ɓúi yùiíi lòn tíbírí á mía le yi.

Zãn nín-yání 1:7

Ɛ̀ɛ ká wa wee ɓua waten làa bìa wi mu khoomu yi bìo, làa bìo le Dónbeenì mí bɛɛre karáa wéréwéré lòn khoomu, se wa wã́a páanía, á le Dónbeenì Za Yeesu cãni á wé è ceé wɛn wa bè-kora ɓúenɓúen yi.

Zãn nín-yání 4:12

Nùpue na dĩǹ mɔn le Dónbeenì wón mía. Ɛ̀ɛ ká wa wa mín, á le è kɛń làa wɛn, á bìo le Dónbeenì wa lè ɓa nùpua á à mi wéréwéré wa tĩ́ahṹ.

Bè-sànkanii 1:6

á wó á wa lé le *Dónbeenì yankarowà nìpomu na wee sá ɓàn Maá Dónbeenì tonló. Le ho cùkú lè ho pànká à bìo sĩ̀ a yi fɛ́ɛɛ hã lúlúio na ɲii mía yi. *Amiina!

Bè-sànkanii 1:8

O Ɲúhṹso Dónbeenì, dìo wi fɛ́ɛɛ, na wi ká bìo ɓúi dĩǹ yí léra, na bò ò ɓuen, dìo dà mu bìo ɓúenɓúen á wee bío: «Lé ĩnɛ́n á ɓúa mu bìo ɓúenɓúen ɲúhṹ, á lé ĩnɛ́n mún ǹ véení mu bìo ɓúenɓúen.»

Bè-sànkanii 21:3

Á mu tɔ̃n-beenì ɓúi sã ɲá lè mu bá-zàmu kanmúiní cɔ̃́n á bía: «Mi loń, bìo kà wán á le Dónbeenì páanía kará lè ɓa nùpua. Le páanía kará làa ba, á ɓa lé le nìpomu. Le Dónbeenì mí bɛɛre wi làa ba.

Bè-sànkanii 22:5

Ho tá máa bĩní máa hĩ. Nùpua màkóo máa bĩní máa kɛń fĩ̀ntã́ní làa wii khoomu yi, lé bìo ó o Ɲúhṹso Dónbeenì á à dé mí khoomu ɓa wán. Ɓa à dí le bɛ́ɛnì fɛ́ɛɛ hã lúlúio na ɲii mía.

Bè-sànkanii 4:11

«Ɲúhṹso, wa Dónbeenì, fo ko lè ho cùkú. Fo ko lè le khòoníi. Ho pànká ɓúenɓúen bìo sã̀ foǹ. Lé bìo ũnɛ́n lé yìa léra mu bìo ɓúenɓúen. Ũnɛ́n lé yìa le mu kɛń, á mu ɓɛ̀n wi.»

Bè-sànkanii 7:12

ká ɓa a bío: «*Amiina! Mu bè-zũńminì lè ho dàńló lè ho pànká á bìo sã̀ wàn Dónbeenì yi. Le ko lè le kɔ̃̀nbii lè ho cùkú. Wa ko wa khòoní le à dé le bárákà fɛ́ɛɛ hã lúlúio na ɲii mía yi. *Amiina!»

跟著我們：

贊助商連結

廣告

廣告