Luke 1:20 - BAṈARA KO VAIRU AMA LEVELEVEO

²⁰ Melai ṉota pui nio tuvevo ṉo ika aṉako bazu, melai ko quli ta kota ereilou koa korokoroti ama taku kale. Sole erisaṉa ṉota pui ṉoba roveovou pesio, ako ṉota pui nio tuvevo ṉo ika sole ṉota poka ṉo elou ti kobeta barolou koa ṉaniu aṉako leveleveo ṉokasi ama ko tuvevo puilou keru,” kiolake.

Luke 1:20 交叉參考

Maka 16:14

Ni koko tovatova nio Jisu ta omai puratake voko toni omadeu disaipeli madu kebeta vuatakoi. Ni vota o riqaemake se, ako seko bulo ta zokele ni seta pui tuvevo ke imake sole seke veveni voko mata saevo.

Maka 9:19

Nio Jisu ta eri kiolake, “Mea maba poso mela komia taku kalea mela ta puliama oqu samela. Noi tinia tu keu nio aṉata a elou mekasi? Aṉata aqai aquria meko bulo ko zokele sole! Vati kuemo voa rusu aṉa kasi!” kiolake.

Luke 1:19

Nio vo mateana ta o vati tiorikake vo, ni eri kiolake vokasi, “Aṉata Qebireli lala. Aṉata a lojoani lala vo Baṉara ko tanama kale, vo o soroelani lala tu aqai pesio ni a qaseko komia uri ama bazu ṉokasi.

Luke 1:21

Ni so maqa inio se maba poso ta ke tarevake vo Zekaraia nio seta aqasiele kekai evake voko matu ubaito Jelepade ko poro kale ama.

Luke 1:22

Ni so keru vo o saqora keru sai kazo inio vota pui o roveake mati pesio se, nio seta ke paqumukake ta vota lula o keala kama pado kelokelozato kikelake. Vota pui o roveake rukueko kama pado pesio, ṉase kale pala inio o mati pesiake.

Luke 1:45

Maurumaurua laṉa, ako ṉota ṉo duvevo pueka sole vo Baṉara ko bazu ṉokasi ko kuevako ta tuvevo kota elou sole,” kikolake.

Luke 1:64

Ni maba koa taku kale inio Zekaraia ta o roveake mata pesio, ni vota o taniekake ilusivo vo Baṉara.

Romu 3:3

Melai kake seta vilua nabuluputo ke evake, so sole vo Baṉara ta pui kerula inio opa elou sekasi, kio?

2 Timoti 2:13

Animeta pui kerula me elou melai vota kerula obeta eva, ako vota pui lipato o evani o ṉavi sole.”

Taitasi 1:2

Ako koa seko uri ama lotu saevo ko raki ta seta ke tuvevo pueka ko seta ke kovou ko noqola kama saevo sole. Vo tuvetuve ala Baṉara ta o mela inainaeke anime komia noqola kama saevo puliako peuru ma peuru ereilo,

Hiburu 6:18

So sole omuqa quli ta ikoana, voko leveleveo ni voko kejo sama pesio topi ama, ko pui kopa roveovo ama besizio, vo Baṉara pui opa kai roveovo ama lipalipato. So sole anime lula me qoani mela ko pakiezato vokasi ta me rovea matu zuvario tu pizaka noqoeko me elo koa keru ko meqai tarekake ko quli Baṉara o ereko ama quli tu anime kaqe.

Kelokelozato 3:19

Aṉata a riqaema ni a jidopu puema sea kiadamu se aṉa a roquemani. So sole tuvevo putomo ni liliziomo meko sarueko poso kale azo.