Mark 6:31 - l'taamitsinikssin Mark manistaitsinikatoohpiayi 1972
31 Iko̱maiskai'tapi̱i̱yi Jesus ota̱o̱toyisstsiwookiks, oosto̱yi ki otohpoko̱omiks ma̱tohtaohko̱ttsoyiwaiksawa. Oma̱ Jesus itani̱stsiiwa otohpoko̱omiks, “Ma̱aksayi̱i̱tohta'pawaawahkao'pa
Ki oma̱ ni̱naawa miskito̱matapa̱niitsinikatooma otsi̱tapoohpistsi; a̱nnihkayi anniisk Jesus ma̱tohkottohtsitapoowaatsiksini aka̱i̱tapisskoyistsi. Ki a̱nnihkayi istsi̱'nakohsa̱atoma amoistsi aka̱i̱tapisskoyistsi; ki omi̱i̱ksi mata̱piiksi miski̱tsaakapo̱oyawa otsi̱tota'pssa̱mmokaiks.
Ki oma̱ Jesus itahka̱yiwa. I̱i̱ksskai'tapiiyi ota̱yaaksisstsiiwokiks, oosto̱yi ki otohpoko̱omiks ma̱takohko̱ttsinao'to̱oyi̱i̱waiksaw, iko̱maisskai'sina'sa'piwa.
Oma̱ Jesus ki anni̱ksk ota̱i̱ssksinima̱atsaiks ota̱i̱'tapssowoohsawa o̱mahksikimi Galilee, omi̱i̱ksi ika̱kaitapiiyi itohpo̱'kiiwo̱'yawa. Ki anni̱ksao'ki iihto̱'tooyiks Galilee ki omi Judea
