31 Ki otsi̱tsskohta̱anikkayi omi̱ Peter, “Nima̱tohkotto̱nawaaniihpa kitsa̱y'ssksi̱noohsi, i̱makitohpokihtso'ki!” Ki omi̱i̱ksi ota̱i̱ssksinima̱atsaiksi ni'to̱yihk sta̱moohkattohkana̱waaniiyaiksi.
Ki otsi̱tanikkaiksi, “Aa, nita̱akohkottanisttsspinnaan a̱nnohka kita̱a̱nikkihpinnaani.” Oma̱ Jesus itani̱stsiiwaiksi, “Ka̱hkomaniihpoaawa niisto̱wa nanista̱ksisttsoohkoyi'pi.
Jesus itani̱stsiiwa omi̱ Peter, “Saoma̱i̱sto'kio̱o̱hkomissi anna̱hkayi ni̱naai'tawa̱akiwa aikako̱matapapina̱kosi, ki a̱nniayi a̱ksikaita̱yokskayi kisayi̱'tsimaanistsi kitsa̱y'ssksinookssi.”
Ota̱i̱'to'toohsawa omi̱ aaki̱'toyi, iitsita̱pooyawa omi̱ niitsi̱nihkatoohpa ‘Gethsemane’. Ki oma̱ Jesus itani̱stsiiwa omi̱i̱ksi ota̱o̱hpoka'poomaiksi, “Annoma isto̱o̱hkookika; nita̱kippatsi̱moyihkaa.”
