7 Sota̱minniawa omi̱ o̱mahksstookiyi ki itsskita̱pipiyawayi omi̱ Jesus. Ota̱i'to'toohsaawayi, omi̱i̱stsi oso̱ka'soaawaistsi itsita̱ohkitsstoomiawa omi̱ o̱mahksstookiyi, ma̱hkitsitohki̱topissaayi omi̱ Jesus.
Itani̱stsiiyiihkiawaiksi “Anna̱hk nitsi̱naaiminnaanahka a̱akohtohkoyikiiwayi, ki a̱kstamohpiistapattsskaistsi̱piiwayi.” Omi̱i̱ksi iita̱'pai'poyiiksi otsi̱tanikkoaayiawaiksi, “Kako̱, sta̱momatapook.”
Ki ota̱o̱'matapohkitopissi, omi̱i̱ksi aka̱itapiyiksi itsita̱i̱saotsimiawa oso̱ka'soaawaistsi itsita̱i̱kayi̱ssaapiksimmiawa amook omohta̱akoohpiayi. Stsi̱kiiks matapiiksi ita̱i̱ssi̱nnakiawa ni̱i̱pii, ita̱waapikstakiyawa ma̱hkohtsitohkitoohsaiksi.
