26 Ota̱i'ksistanissi a̱mohka, omi̱i̱ksi ota̱issksinima̱atsaiksi itsi̱ta'pipisatsi'takiyi. Ota̱a'nikkaiksi, “Oki, oma̱ mata̱piwa, tsa̱ a̱kanistohkottsikamotsi̱i̱piawa?”
Anni oma̱ iihki̱tto'kakini̱i̱wa ma̱hkohtsissapo'koohsi atona̱o̱ksi, a̱nniayi niitsi̱yikowa oma̱ ako̱o̱tsa'pssi̱wa ma̱hkitomatapi̱naaimatahsi A'pistotookiyi.”
Jesus sta̱mo̱kkam'sammiiwaiksi ki itani̱stsiiwaiksi, “Ma̱takohkottsitsiihpa na̱oowattonnimi A'pistotookiyi, kii A'pistotookiwa a̱kohkottanisttsiwa ota̱yakanisttsiihpi.”
Ota̱i'tsapawohsi omi a̱a̱hkioohsa'tsisi sota̱m'ssikssopowa. Ki omi̱i̱ksi otohpoko̱omaiks sta̱miita'pipisatsi̱'takiyi ka̱a̱ka̱o̱maissapiyiaiksi.
Iihtsimatooma ota̱a̱nisttsiihpii omi̱i̱ Jesus, sta̱mita'pohkanaipisatsii'takiyiaw. Itani̱i̱yiaw, “Jesus iksi̱pisata'pssiwa ota̱a̱wanisttsiihpi. Ma̱ttaohkottoohtsimia̱ttsiiwa ka̱ta'ya̱yoohtsimiiks ki i'poya̱ttsiwa ka̱ta'ya̱ohkottsi'poyiiks!”
