32 Ota̱i̱stahkapssi, o̱ki, o̱tapiy'ssina itoma̱tapito'tsi̱i̱piaw a̱i̱sttsiistomiks anniisk Jesus, ki anni̱i̱ksao'ki ota̱waistohkookoayawa maka̱'pato'siiks.
Itohka̱nitao'tooyiaw omi̱ tsiso̱o̱htsi niitsi̱nihkato'pihka ‘Capernaum.’ Ki anni̱ mattato̱'ssiko̱piiksistsikoyi, oma̱ Jesus itsita̱poowa omi̱m otsi̱tawaatowomowoohpiaiks itoma̱tapssksinimaatstohkiwa.
Iitsitsi̱ppiimayi, ki ota̱i'posskapatahsa̱yi, soksa̱wattohtsiksisto'si̱mminayi. Ki otsi̱tomatapiisookoayawayi.
Ki anni̱i̱ksao'ki mata̱piiks sta̱mikakaisstaiks ma̱hkohkossksinowahsaawayi ma̱hksipahtsa'pssi. Iiksi̱yiksskskammiawa anniiska Jesus ikkama̱akitstsi'ki ota̱kohkottotowayi anni̱hk issiko̱piiksistsiko.
