31 Iitsitsi̱ppiimayi, ki ota̱i'posskapatahsa̱yi, soksa̱wattohtsiksisto'si̱mminayi. Ki otsi̱tomatapiisookoayawayi.
Anna̱hk Simon maaa̱hsi [otohki̱i̱mani oksi̱sstsi] a̱nni niitsiksi̱ sto'sima ka̱a̱kitsistohkaisstsiwa. Ki oma̱ Jesus ota̱i̱'to'toohsi omi̱ na̱a̱pioyisi, itohka̱nistawayi.
Ota̱i̱stahkapssi, o̱ki, o̱tapiy'ssina itoma̱tapito'tsi̱i̱piaw a̱i̱sttsiistomiks anniisk Jesus, ki anni̱i̱ksao'ki ota̱waistohkookoayawa maka̱'pato'siiks.
Omi̱i̱ksi aaki̱i̱ksi iihpoka̱'paitapiyimiiyawa̱yi Jesus omi̱ otsa̱a̱kiita'paitapiyissayi Galilee, a̱'paisspommoyiiyawayi. Ki o̱miksi itstsi̱yi aaki̱i̱ksi a̱o̱mai'takiiksi noohka̱ttohpo'ki̱tapo̱o̱yawayi Jesus iita̱woy'sstaahpi.
Itsi̱nnomoyiiwayi omi̱ om'sstsi̱ aaki̱i̱koani o'tsi̱si. Iihtsi̱tsipssatsiiwayi otsi̱'powahsoaawayi; itani̱stsiiwayi, “Ta̱yitoko̱mma”; a̱mohk anista̱panio'sina, “Aaki̱i̱koani, niipoa̱ota!”
