Mark 1:19 - l'taamitsinikssin Mark manistaitsinikatoohpiayi 1972

¹⁹ Oma̱ Jesus ota̱i̱'naksi̱piwoohsi ito̱'ta̱attsiimiwa ami̱i̱ksiayi na̱a̱tsitapiyiks ni̱naaiks. A̱a̱nistaaiks James ki John, o̱ko'siks Zebedee. Sa̱a̱kiitsapa̱o̱piiyaw omi ota̱a̱hkioohsa'tsiimoaawa. A̱i̱sina'satoomiawa omi o̱mohtaomiihkaahpoawayi; a̱i̱ssksimatoomiawa.

Mark 1:19 交叉參考

Mark 1:18

Ki a̱nnimayi sta̱mitsitskimiaw otsksi̱mahkssoawaistsi, itohpo̱'kiiwooyiawayi.

Mark 1:20

Ki a̱nnimai oma̱ Jesus sta̱mitsinihkatsiiwaiks. Ki a̱nni o̱nnoawayi ki omi̱i̱ksi oma̱nikapiimiiks, sta̱mitssapskitsiiyawaiks omi a̱a̱hkioohsa'tsisi, ki itohpo̱'kiiwo̱oyiaw anni̱sk Jesus.

Mark 10:35

Kii otsakioohtawaawahkaaniawa, amo̱ksi na̱tsitapiiyaw, a̱mo a̱a̱nistawa James ki anni̱ a̱a̱nistayinayi John, iitsita̱pooyiaw omi̱ Jesus. Iitani̱stsiiyiawayi, “Oki, kita̱kohksstsimaahkatohpinnaan anno̱hka; noohkani̱sttotomookinnaan.”

Mark 14:33

Ki omi̱i̱ksi itohpo̱koyisskatsiiwa Peter ki James ki John. Ki oma̱ Jesus sta̱mitsayippomimmohsiwa sta̱mitsiksisto̱i̱tsi'ssi'takiwa, a̱nnia a̱akitstsiihpi isto̱nnata'piyi ota̱yakanistohkoyi'pi.

Mark 3:17

o̱ki, a̱moksayi o̱sskanimmotsiyi James, John, ohko̱waiks a̱mohk a̱a̱nistawa ‘Zebedee’ (Jesus ma̱ttsitsiita̱aksinihkatsiiwaiks ‘Poa'nikis’ — aanista̱panio'ssina ‘i̱ksahposskitsipahpiyawa’);

Mark 5:37

Itani̱stsiiwa omi̱ksi mata̱piiks, “Ksiisto̱waaw anno̱o̱m istsi̱kkita̱o̱piik. Anna Jairus nita̱kitapoohpinnaan ooko̱wayi. Amoks aya̱kohpo'kiiwo̱oyi: anna̱ Peter ki anna̱ James ki osska̱ni John.”

Mark 9:2

Ki a̱nnika poohsapa̱aiksistsikoyistsi, oma̱ Jesus itohpo̱koomi anniisk Peter ki James ki John; iitsita̱pamiso̱o̱yiaw a̱mohka miistak. Ota̱i'ksikkohkitoohsawa, niitsitapo̱kamiaapiyiaawa anniisk Jesus otsipi̱'ko̱o̱hkiitsina'ssi,