Mateo 9:28 - Lalang Hu Dios

²⁸ Su sumeled en haena duun hu balay uminubay diyà ta kandin su daruwa ha buta, aman ininsaan sidan hi Jesus, “Agtuu kaw ba ha mahimu ku ha maulian kaw?” Tuminubag sidan, “Hee, Ginuu.”

Mateo 9:28 交叉參考

Mateo 9:22

Su lumingì si Jesus naahà din haena aman inikagiyan din, “Pandayai sa gahinawa nu ta sa ingkaulii nu iyan sa pagsalig nu kanak.” Sagunà naulian su bahi.

Mateo 8:2

Amin daan sanglahen ha luminuhud diyà ta kandin daw hangyù, “Ginuu, ku mabayà ka ngaay bulungen a ikaw taini ha mahugaw ha dalu ku.”

Juan 11:40

Dayun tuminubag si Jesus, “Dì ba inikagi kud ikaw ha ku tumuu ka maahà nu sa pagkagamhanan hu Dios?”

Juan 11:26

ta saena ha agtuu kanak amin din kinabuhì daw harì en gayed matay. Agtuu ka ba daan taena?”

Mateo 13:58

Tumenged ta harì en daan sidan agtuu kandin atiyuay dà sa impaahà din kandan ha mga belenganen.

Mateo 8:14

Su sumeled en si Jesus diyà ta balay hi Pedro naahà din sa ugang ha bahi hi Pedro ha harì en pakabangun ta agkagenaw.

Mateo 13:36

Su umawà si Jesus duun ku madakel ha mga etaw sumineled haena diyà ta balay. Dayun uminubay diyà ta kandin su mga tinun-an din ha minikagi, “Saysaya kanay sa kahulugan taena ha pananglitan nu mahitenged hu hilamunen duun hu uma.”

Mateo 9:27

Su dumayun si Jesus amin daruwa ha buta ha luminupug kandin daw pangumaw, “Sikaw sa Kaliwat hi David, kahid-uwi kay gayed ikaw.”

Mateo 9:29

Dayun dinampà hi Jesus sa mga mata dan daw ikagi, “Sumalà hu pagtuu nuy maulian kaw en.”

Mateo 13:1

Duun taena ha aldaw uminawà si Jesus diyà ta balay daw pinuu duun hu kilid ku danaw.

Mga Buhat 14:9

saena migpaliliman gayed hu pagpanunultul hi Pablo. Dayun inahà haena hi Pablo daw natun-an din ha amin gayed pagtuu taena ha etaw ta daw maulian.