Mateo 5:17 - Lalang Hu Dios

¹⁷ “Harì kaw maghenà-henà ha sa pagdini ku ta kalibutan iyan sa pag-awà hu Kasuguan daw hu lalang hu Dios pinaagi hu mga prupita, ta sa pagdini ku iyan sa pagtuman taena.

Mateo 5:17 交叉參考

Mateo 3:15

Ba tuminubag si Jesus, “Buhata haini ta kinahanglan matuman sa alan ha agkabayaan hu Dios.” Aman binautismuwan haena hi Juan.

Mateo 7:12

“Ku inu sa agkabayaan nuy ha buhaten diyan ta inyu hu mga duma nuy iyan daan haena buhaten nuy diyà ta kandan, ta iyan haena Kasuguan daw lalang hu Dios pinaagi hu mga prupita.

Lucas 16:17

Malumu pa ha mahanaw sa langit daw sa kalibutan dì hu Kasuguan ha maalatan hu bisan atiyuay.

Juan 8:5

Duun hu Kasuguan insulat hi Moises ha sa iling taini agbatuwen taman ha matay. Inu sa ikaw ha kahukumi duun?”

Mga Buhat 18:13

Kagi dan, “Saini migkabig hu mga etaw hu pagsimba hu Dios duun hu paagi ha supak hu balaud taw.”

Mga Buhat 21:28

“Sinyu sa mga duma day ha kaliwat hi Israel, buligi kay inyu ta iyan en haini su etaw ha migtudlù duun hu bisan hindu ha sa mga Judio daw sa Kasuguan taw daw saini ha balaan ha Timplu hurà din pulus, daw impaseled din duun taini ha Timplu sa kenà mga Judio aman nahugawan dan haini.”

Mga Buhat 6:13

Impaatubang dan daan haena sa mga biduen ha tistigus ha tagyanaen, “Saini ha etaw sigi dà gayed tagpasipala taini ha Timplu daw hu Kasuguan

Roma 10:4

Ba tumenged ki Cristo hurà pulus hu pagtuman hu Kasuguan ta pinaagi dà gayed hu pagtuu kandin mabuhat sa etaw ha matareng.

Roma 3:31

Tagpasabut ba haini ha hurà en pulus hu Kasuguan tumenged hu pagtuu? Harì gayed ta pinaagi hu pagtuu agkatuman taw sa Kasuguan.

Roma 8:4

ta daw mahimu taw sa pagtuman hu Kasuguan ta inendaan taw en sa makasasalà ha kinaiya taw daw sa tagtumanen taw iman iyan en sa agkabayaan hu Balaan ha Ispiritu.