72 Ba si Pedro miglimud en paman daw nanumpà, kagi din, “Harì ku agkakilala ku sin-u hayana.”
Dayun guminuwà si Pedro payanaen diyà ta pultahan. Amin lain en paman ha bahi ha nakaahà kandin daw minikagi duun hu mga etaw diyà, “Iyan haini duma hi Jesus ha taga-Nazareth.”
Su malugay-lugay inikagiyan si Pedro ku mga etaw ha tagtiyadeg diyà, “Duma ka gayed tayaa ta agkatun-an ta duun hu inikagiyan nu.”
Nanumpà gayed si Pedro, kagi din, “Harì ku agkakilala ku sin-u hayana.” Dayun tuminagauk sa manuk.
Ba tinubag hi Jesus, “Pedro, ikagiyen ku ikaw ha kanina ku harì pa managauk sa manuk katatulu kad en makaikagi ha harì a ikaw agkakilala.”
