Mateo 26:18 - Lalang Hu Dios

¹⁸ Tuminubag si Jesus, “Dumuun kaw hu sabuwa ha etaw diyà ta banuwa daw ikagiyi nuy, ‘Sa Manunudlù tag-ikagi ha ubay en sa natugun ha panahun ha matay aman agpanihapun hu pagsaulug duma hu mga tinun-an din diyà ta balay nu.’”

Mateo 26:18 交叉參考

Mateo 21:3

Ku amin manginginsà inyu, ‘Imbà nuy hayana agtimua?’ ikagiya nuy, ‘Agkinahanglanen haini hu Ginuu’ dayun sagunà din haena itugut inyu.”

Mateo 23:10

Daw harì nuy daan igtugut ha umawen kaw hu Ginuu ta iyan a dà Ginuu siak sa Misiyas.

Mateo 23:8

“Ba harì nuy tugutan sa mga etaw ha umawen kaw kandan ha Manunudlù ta migsusuled kaw dà daw iyan a dà Manunudlù nuy.

Mateo 26:19

Binuhat hu mga tinun-an sa insugù kandan hi Jesus dayun nangandam sidan hu pagkaen taena ha pagsaulug.

Mateo 26:2

“Natun-an nuy ha makaduwa iman iyan en pagsaulug hu Aldaw hu Paglabay daw siak sa Batà hu Etaw itugyan a duun hu mga etaw ta daw makalansang a kandan duun hu krus.”

Mateo 26:49

Sagunà inubayan hi Judas si Jesus daw ikagiyi, “Manunudlù” dayun hinadekan din.

Marcos 5:35

Su kamulu pa si Jesus tag-ikagi nakauma sa mga etaw ha napuun ta balay hi Jairo su agalen taena ha simbahan ha tagyanaen, “Su laga-laga nu minatay en aman harì nud en agsamuka sa Manunudlù.”

Lucas 22:53

Aldaw-aldaw diyà a ta Timplu daw nanudlù ba hurà a inyu dakepa. Ba iyan en iman haini panahun ha maahà sa gahem hi Satanas.”

Juan 11:28

Su maikagi haena hi Marta luminikù diyà ta balay dan daw muymuyahi si Maria, “Tagdini en labi sa Manunudlù na dumiyà ka kun ta kandin.”

Juan 12:23

Tuminubag si Jesus, “Iyan en haini natugun ha panahun ha dayeen a siak sa Batà hu Etaw.

Juan 13:1

Su harì pa agsaulugen sa Aldaw hu Paglabay natun-an hi Jesus ha madani en sa natugun ha panahun ha ag-awà dini ta kalibutan ta ag-ulì en duun hu Dios ha Amay din. Pinalanggà din sa mga sumusunud din aman iman igpaahà din ku inu kaadagi sa pagpalanggà din kandan.

Juan 17:1

Su makapenga mikagi si Jesus huminangad haena diyà ta langit daw mig-ampù ha tagyanaen, “Amay ku, iyan en haini su natugun ha panahun. Dayeen a sa Batà nu ta daw madayè ku daan ikaw

Juan 20:16

Ba minikagi si Jesus diyà ta kandin, “Maria.” Sagunà nakasinalu si Maria diyà ki Jesus daw ikagiyi hu madaging, “Raboni” saini inikagiyan ha Hebreo ha tagkahulugan hu Manunudlù.

Juan 7:30

Agdakepen dan en ngaay si Jesus ba harì dan agkahimu ta kenà pa haena iyan natugun ha panahun.

Juan 7:6

Aman tinubag sidan hi Jesus, “Kenà pa haini iyan natugun ha panahun ha magpakilala a hu mga etaw. Bisan inu dà ha panahun agkabaluy en ha buhaten nuy sa agkabayaan nuy

Juan 7:8

Una kaw en duun taena ha agsaulugen ta kenà pa haini panahun ha dumiyà a.”