Juan 9:29 - Lalang Hu Dios

²⁹ Natun-an day ha su anay migpakiglalang sa Dios ki Moises, ba saena ha migbulung ikaw hurà day katun-i ku hindu duun napuun.”

Juan 9:29 交叉參考

Mateo 12:24

Ba su mapaliman haena hu mga Parisiyu minikagi sidan, “Sa gahem taini ha etaw hu pagbugaw hu busaw diyà dà napuun ki Beelsebul sa agalen hu mga busaw.”

Mateo 26:61

minikagi, “Sayana ha etaw agkagasen din kun haini sa Timplu hu Dios ba duun hu tatulu ha aldaw agbalayen din dà.”

Lucas 23:2

Insumbung haena hu kagi dan, “Binistiga day en haini sa etaw aman natun-an day ha migtudlù hu pagsupak hu gubirnu ta harì din agtugutan sa mga etaw ha magbayad hu buhis diyà ki Cesar daw kagi din pa daan ha iyan en su Misiyas ha Harì.”

Juan 1:17

Pinaagi ki Moises in-ila hu Dios sa Kasuguan, ba pinaagi ki Cristo Jesus inilahan kuy kandin hu grasya daw natun-an taw daan diyà ta kandin sa kamatuuran.

Juan 7:27

Ba sa laus ha Misiyas harì taw agkatun-an ku hindu agkapuun, ba saini natun-an taw dà sa kapuun din.”

Juan 7:28

Aman su tagpanudlù pa si Jesus duun hu Timplu minikagi haini, “Nakilala ad gayed inyu daw natun-an nuy en ku hindu a napuun. Hurà a dini hu kanak dà ha pagbayà ta sa migsugù kanak iyan sa laus ha Dios daw harì nuy haena agkakilala.

Juan 8:14

Ba tuminubag si Jesus, “Bisan ku iyan a manistigus mahitenged hu kaugalingen ku ba malig-en gayed ta natun-an ku ku hindu a napuun daw ku hindu a agpayanaen. Ba sinyu harì nuy agkatun-an ku hindu a napuun daw ku hindu a agpayanaen.

Juan 9:16

Sa duma ha mga Parisiyu minikagi, “Harì mahimu ha sinugù hu Dios sa agpamulung duun hu Aldaw hu Paghimlay ta saini supak hu Kasuguan.” Ba sa duma tuminubag daan, “Ku masinupaken pa ha etaw harì din ngaay mabuhat sa mga belenganen ha iling taena.” Aman hurà makag-iling sa mga henà-henà dan.

Juan 9:24

Inisab en paman inumaw ku mga agalen su nakaindan daw ikagiyi, “Isaad nu duun hu Dios ha harì ka gayed magbidù ta natun-an day en ha sa migbulung ikaw masinupaken ha etaw.”

Juan 9:30

Tuminubag haena sa etaw, “Agkabelengan ku gayed sa inikagi nuy. Harì nuy agkatun-an ku hindu haena napuun ba iyan migbulung hu mata ku.

Mga Buhat 22:22

Su maikagi haena hi Pablo hurà en magpaliliman su mga etaw kandin ba nangulahì sidan ha tagyanaen, “Himatayi en ta kenà maayad ha mauyag pa hayana.”

Mga Buhat 26:22

Ba bisan iman taena binuligan a gayed hu Dios aman hurà a endà hu pagpanunultul duun hu kaet-etawan sa ubus sa kahimtang din daw sa matangkaw. Sa tigtultul ku iyan sa sinubay hi Moises daw hu mga prupita

Mga Buhat 7:35

“Si Moises iyan su insalikway su anay hu mga duma din ha kaliwat hi Israel ta inikagiyan dan, ‘Sin-u sa migbuhat ikaw ha agalen daw maghuhukum day?’ Iyan sinugù hu Dios ha mangulu hu mga etaw ta daw malibri sidan pinaagi hu pagbulig taena ha balinsuguen hu Dios ha huminiwal duun ku sampinit ha tagkalegdeg.

Hebreo 1:1

Su anay sa Dios mig-ikagi duun hu mga gin-apuan taw pinaagi hu mga prupita duun hu hurà mag-iiling ha mga paagi,

Hebreo 1:2

ba iman taini ha panahun mig-ikagi dini ta kanuy pinaagi hu Batà din. Pinaagi kandin tinanghagà hu Dios sa alan daw iyan daan haena tinaganahan din hu alan.