2 Aman minulalaguy payanaen diyà ki Simon Pedro daw taena ha pinalanggà hi Jesus ha tinun-an daw inikagiyan din sidan, “Inawà dan en sa lawa hi Jesus duun hu piglebengan kandin daw hurà day katun-i ku hindu dan en duun in-ugsak.”
Su mga balinsuguen hu Dios minikagi, “Imbà ka tag-agalaay?” Tuminubag si Maria, “Tinimù dan sa lawa hu Ginuu ku daw harì ku agkatun-an ku hindu dan en duun in-ugsak.”
Saena nanginginsà diyà ta kandin, “Imbà ka tag-agalaay? Sin-u sa tagpan-ahaen nu?” Abi hi Maria ha iyan haena su tag-alima hu mga pamulahen aman tinubag din, “Ku iyan ka migtimù hu lawa hi Jesus ikagiya nu kanak ku hindu nu duun in-ugsak ta agtimuen ku dà.”
Luminingì si Pedro daw naahà din ha taglupug kandan su tinun-an ha palanggà hi Jesus daw iyan abay din su anay duun hu pagpanihapun dan daw iyan daan nanginginsà, “Ginuu, sin-u kanay sa maglimbung ikaw?”
Dayun su tinun-an ha pinalanggà hi Jesus minikagi diyà ki Pedro, “Ay, iyan man diay hayana sa Ginuu taw.” Su mapaliman haena hi Simon Pedro sagunà migpinaksuy ta miglebas haena, dayun uminagbul diyà ta wahig payanaen diyà ki Jesus.
