Juan 2:6 - Lalang Hu Dios

⁶ Diyà ta ubay dan amin haenem ha tadyaw ha talaguay hu wahig ha iyan taggamiten hu mga Judio ku agtumanen dan sa tulumanen hu paglimpyu. Sa kada sabuwa taena ha tadyaw agkataguan hu katluan ha galun ha wahig.

Juan 2:6 交叉參考

Lucas 16:6

“Tuminubag haena, ‘Nanggatus ha lata ha lana.’ “Aman inikagiyan din, ‘Taini su listahan hu mga utang nu. Agpas ka daw isulat sa kalimahan dà ha lata.’

Juan 2:7

Inikagiyan hi Jesus sa mga suluguen, “Pamunua hu wahig haini sa tadyaw.” Aman pinamunù dan.

Juan 3:25

Aman amin mga sumusunud hi Juan ha nakigsawalà hu sabuwa ha Judio mahitenged hu tulumanen hu paglimpyu.

Efeso 5:26

ta daw mabuhat kuy kandin ha mga etaw hu Dios ta nalimpyuwan kuy kandin pinaagi hu wahig daw hu lalang din.

Hebreo 10:22

umubay kuy iman duun hu Dios pinaagi hu laus ha pagsimba daw kenà duwa-duwa ha pagtuu tumenged ta nalimpyu en sa henà-henà taw daw nabautismuhan kuy en ha iyan timaan taena.

Hebreo 6:2

daw kenà iyan dà daan sa mga katudluanan mahitenged hu bautismu daw sa pagpaulin hu Balaan ha Ispiritu, sa pagkabanhaw hu mga minatay daw sa silut ha hurà din katapusan.

Hebreo 9:10

tumenged ta sa pagsimba dan pinaagi dà hu mga tulumanen hu kalan-enen daw hu mga inumen daw hu migkalain-lain ha pagpangenaw. Saini ha mga tulumanen duun dà hu lawa daw taman dà hu panahun ha ilisan en hu Dios.

Hebreo 9:19

Su maikagi en hi Moises sa alan ha Kasuguan duun hu mga etaw tuminimù haena hu langesa hu baka daw hu kambing dayun linamudan din hu wahig, daw tuminimù daan hu panga hu isupu dayun imbedbed din duun sa impaligà ha bulbul hu karniru. Pinaagi taena pinesik-pesikan din sa mga etaw daw su libru hu Kasuguan