6 Su maahà si Jesus hu mga labaw ha sinaligan hu paghalad daw hu mga bantay taena ha Timplu namangulahì sidan, “Ilansang hayan duun hu krus.” Ba inikagiyan sidan hi Pilato, “Iyan kaw en maglansang kandin ta hurà ku naahà ha salà din.”
Si Pedro taglupug daan kandan ba madiyù dà daw diyà dà nataman ta lama. Uminamul haena duun hu mga bantay ha tagpinuu diyà ta ag-ahaen din ku inu sa maul-ulahan hi Jesus.
Su matun-an hi Pilato ha hurà en pulus hu pag-ikagiyà din ta agkagubut en sa mga etaw tuminimù haena hu wahig daw henawi sa alima din duun hu atubangan taena ha mga etaw hu kagi din, “Inyu en haini ha salà aman sa langesa taini ha etaw diyan en ta alima nuy ta nangenaw ad en hu kanak.”
Aman inuwit hi Judas diyà sa mga sundalu daw sa mga bantay hu Timplu ha sinugù hu labaw ha mga sinaligan hu paghalad daw hu mga Parisiyu ha tag-uuwit hu mga sulù daw hinagiban.
Saena ha mga agalen hu Judio bà dà inikagiyi hi Pilato, “Uwita nuy dà diyan daw iyan kaw en maghukum kandin sumalà hu inyu ha Kasuguan.” Ba tuminubag sidan, “Hurà itugut kanay ha hukuman day sa etaw hu kamatayen.”
Ba minikagi si Pilato, “Inu en paman hayana ha kamatuuran?” Dayun sagunà guminuwà si Pilato daw inikagiyan din sa mga Judio, “Hurà ku naahà ha salà din ha angay hukuman.
Ba sa kaet-etawan namangulahì, “Pahimatayi hayana. Ilansang en duun hu krus.” Minikagi si Pilato, “Imbà nuy igpalansang duun hu krus sa Harì nuy?” Tuminubag sa mga labaw ha sinaligan hu paghalad, “Iyan dà Harì day si Cesar.”
Amin ba prupita ha hurà pasipalahi hu mga gin-apuan nuy? Bisan sa migtagnà hu pagpakauma hi Jesus ha matareng gayed pighimatayan dan. Iman impadakep nuy daan haena daw pinahimatayan nuy.
