Impadayag 13:18 - Lalang Hu Dios

¹⁸ Kinahanglanen gayed sa kaalam ta daw masabut haini. Saena ha mailahan hu kaalam makasabut hu kahulugan taena ha numiru hu mananap ta saena ngaran hu etaw. Saini ha numiru iyan sa 666.

Impadayag 13:18 交叉參考

Marcos 13:14

“Maahà nuy daan asem sa mahugaw gayed ha humitindeg duun hu balaan ha lugar. Saena ha pakabasa taini ha tagnà sabuten din gayed. Duun asem taena ha panahun sa mga etaw diyà ta Judea mamamulaguy duun hu bubungan.

Roma 3:5

Amin mga etaw ha taghenà-henà ha kenà maayad ku silutan kuy hu Dios ta pinaagi hu mga buhat taw ha madaet madayag ha matareng sa buhat hu Dios.

Impadayag 1:3

Malipayen gayed sa etaw ha magbasa taini ha libru daw malipayen daan haena sa magpaliliman daw tumuu, ta madani en sa panahun ha matuman haini.

Impadayag 15:2

Daw naahà ku sa dagat ha mating-aw iling hu salamin ha nalamudan hu hapuy. Duun hu kilid taena naahà ku sa tagtiyadeg ha mga etaw ha nakadaeg ku pinakahaluhaldek ha mananap ta hurà dan simbaha sa larawan din daw hurà sidan kasulati hu numiru taena. Tigbalabad dan su arpa ha in-ila kandan hu Dios

Impadayag 17:9

“Kinahanglanen gayed sa kaalam ta daw masabut haini. Su pitu ha ulu ku mananap iyan sa pitu ha buntud ha duun tagpinuu su bahi. Amin daan pitu ha mga harì.

Impadayag 21:17

Sinukud din daan sa kutà taena ha banuwa, sa katangkaw taena kaeneman ha mitrus sumalà hu kandin ha tigsukud.