6 Ba sikay sa manunudlù ha sinugù hu Dios agpalilimanan kay hu mga etaw ha pakakilala en hu Dios, ba sa kenà mga etaw hu Dios harì gayed tagpaliliman kanay. Iyan haena timaan ha matun-an taw ku hindu duun sa kamatuuran daw sa mga bidù.
Minikagi si Jesus duun hu mga etaw, “Insalig en kanak hu Dios ha Amay ku sa alan. Iyan dà haena nakakilala kanak daw iyan a dà daan nakakilala kandin daw iyan dà daan sa mga etaw ha pilien ku ha makakilala kandin.”
Amin ku pa mga karniru ha hurà pa makaseled duun hu alad. Kinahanglan ha igpaseled ku pa daan sidan. Magpaliliman daan sidan kanak dayun makag-amulà dà sidan daw sabuwa a dà sa magbalantay dan.
Saena igpaseled hu bantay hu pultahan daw agpalilimanan hu mga karniru sa lageng din. Umawen din sa mga ngaran taena ha mga karniru daw igpaguwà din sidan.
Laus gayed sa ag-ikagiyen ku ha bisan sin-u sa agdawat taena ha agsuguen ku agdawat daan kanak, daw saena ha agdawat kanak agdawat daan hu Amay ku ha migsugù kanak.”
daw magtudlù daan haena inyu hu kamatuuran. Harì haena madawat hu mga etaw ha harì agtuu kanak ta harì dan haena agkaahà daw harì dan daan agkakilala. Ba sinyu makilala nuy gayed ta diyan ta inyu magtimà daw makigsabuwa en inyu.
“Agsuguen ku dini ta inyu sa Magbubulig ha duun agkapuun hu Amay ku ha iyan sa Balaan ha Ispiritu. Saena magpadayag daan hu kamatuuran mahitenged hu Dios ha Amay ku daw manistigus daan mahitenged kanak.
Ba ku makauma en sa Balaan ha Ispiritu ha iyan magpadayag hu kamatuuran, itudlù din haen inyu. Sa ag-ikagiyen din kenà kandin dà ha henà-henà ba iyan dà sa napaliman din duun hu Dios, daw ag-ikagiyen din daan inyu sa maul-ulahan ku malugay.
Minikagi si Pilato, “Ku iyan hayan harì ka gayed diay.” Si Jesus tuminubag, “Laus sa inikagi nu ta siak Harì a gayed. Iyan hayana indini ku ta kalibutan ha migpakaetaw a ta daw matun-an hu kaet-etawan sa kamatuuran. Bisan sin-u sa agkabayà ha makatuen hu kamatuuran tagpaliliman kanak.”
Dayun nanginginsà kandin sa mga Parisiyu, “Hindu diay duun sa amay nu?” Tuminubag si Jesus, “Harì nuy agkakilala ku sin-u a daw ku sin-u sa Amay ku, ta ku agkatun-an nuy pa ngaay ku sin-u a matun-an nuy en daan ku sin-u sa Amay ku.”
Iyan a si Pablo sa migsulat taini. Suluguen a hi Cristo Jesus daw pinilì a hu Dios ha apustul hu pagsangyaw hu Maayad ha Tultulanen. Sa Maayad ha Tultulanen insaad hu Dios su anay duun hu insulat ha lalang din pinaagi hu mga prupita.
ta sa insulat ha lalang hu Dios tagyanaen, “Binuhat ku ha madesen sa henà-henà dan ta daw harì sidan makasabut, daw bisan iman bà su harì sidan pakaindan daw harì pakapaliman.”
Ku amin diyan ta inyu taghenà-henà ha makasaysay hu igpaikagi hu Dios daw ku amin din pa lain ha katatau ha in-ila hu Balaan ha Ispiritu kinahanglan ha kilalahen din gayed ha saini ha insulat ku insugù hu Ginuu.
Sa Balaan ha Ispiritu tag-ikagi, duun hu hudiyan ha panahun amin gayed umendà duun hu pagtuu daw sumunud hu tinumanan hu mga limbungan ha tinaguan hu mga busaw.
Agkabayaan ku ha harì nuy lipatan sa inikagi hu mga prupita daw sa mga kasuguan hi Cristo Jesus ha Ginuu daw Manluluwas taw ha intudlù day inyu sikay sa mga apustulis.
Pinalanggà ku ha mga suled, harì kaw sagunà dà agtuu hu bisan inu ha igtudlù inyu hu mga etaw ha tag-ikagi ha inulinan sidan hu Balaan ha Ispiritu, ba unahen nuy susiyen haena ku duun ba napuun hu Dios ta nakalekep en iman dini ta kalibutan sa mga biduen ha manunudlù.
Ba sinyu sa pinalanggà ku ha mga batà, iyan kaw iman etaw hu Dios daw nadaeg nuy en sa mga biduen ha manunudlù, ta sa Balaan ha Ispiritu ha uminulin diyan ta inyu mabis-ay gayed dì ki Satanas sa ag-tagu daan duun hu kenà mga tumutuu.
