1 Corinto 9:12 - Lalang Hu Dios

¹² Ku amin katenged hu duma hu paghinam taini dì ba labaw pa man sa kanay ha katenged? Ba saini ha katenged hurà day buhata ta impalabi day ha mag-antus kay hu mga malegen ta daw hurà makaelang hu pagsangyaw day hu Maayad ha Tultulanen mahitenged ki Cristo.

1 Corinto 9:12 交叉參考

Lucas 11:52

“Kahid-u nuy gayed sinyu sa mga manunudlù hu Kasuguan, ta harì kaw agkabayà ha matun-an nuy sa kamatuuran daw agbaldengen nuy haena sa tagtuen ngaay.”

Mga Buhat 18:3

Tumenged ta iling kandan sa pangabuhì hi Pablo ha iyan sa pagpamuhat hu tulda, diyà haena migtimà ta kandan daw migtrabahu duma kandan.

Roma 15:22

Tumenged hu pagpanunultul ku taini kapila ad en kayawat hu pagdiyan ta inyu.

1 Corinto 13:7

Sa amin din laus ha pagpalanggà tagpailub duun hu alan daw agsalig hu duma din. Bisan ku agkasayep sa duma din taghinamen din haena ha magbuhat dà hu maayad, saena tag-antus daan hu bisan inu ha malegen.

1 Corinto 6:7

Saini ha tagbuhaten nuy iyan timaan ha maluya kaw gayed hu pagtuu. Imbà nuy man harì agkaantus sa pagpasipala daw sa kalimbungi inyu?

1 Corinto 9:14

Iling daan sa Ginuu migsugù ha saena ha tagsangyaw hu Maayad ha Tultulanen tumimù gayed hu mga kinahanglanen din duun hu pigsangyawan din.

1 Corinto 9:15

Ba bisan pa taini hurà a panayù duun hu bisan sin-u. Daw bisan iman harì a daan agpanayù diyan ta inyu, ta igpalabi ku ha matay a hu kauhul dì hu pagpanayuay diyan ta inyu ta daw harì kaw makaikagi ha bidù haini sa tag-ikagiyen ku.

1 Corinto 9:16

Hurà ku ipagalbu sa pagsangyaw hu Maayad ha Tultulanen ta iyan haena sugù hu Dios. Pinakahaluhid-u a gayed ku harì ku isangyaw sa Maayad ha Tultulanen.

1 Corinto 9:18

Inu man diay sa suhul kanak? Saini iyan sa katenged ku hu pagsangyaw hu Maayad ha Tultulanen ha hurà din bayad bisan pa ku amin ku ngaay katenged ha igkauyag ku pinaagi taena.

1 Corinto 9:2

Bisan pa ku kagi hu duma ha kenà a apustul ba makaikagi kaw ha apustul a gayed ta natun-an nuy haini ha pinaagi kanak nakatuu kaw duun hu Ginuu.

2 Corinto 11:12

Dayunen ku gayed sa harì pagpanayuay diyan ta inyu ta daw saena ha bà dà tagpasibù-sibù ha mga apustulis harì makaikagi ha ipagbayad day sa mga etaw iling hu kandan ha tagbuhaten.

2 Corinto 11:20

Tag-antusen nuy man ganì sa mga tagpaag-agalen daw sa taglupig inyu, sa tagpanlimbung daw sa tagpaamani inyu daw sa taglaparu pa gayed inyu.

2 Corinto 2:12

Su makadiyà a ta Troas hu pagsangyaw hu Maayad ha Tultulanen mahitenged ki Cristo naahà ku ha binuhat hu Ginuu sa paagi ta daw madawat a hu mga etaw.

2 Corinto 6:3

Hurà kay magbuhat hu pakaelang hu mga etaw ta daw hurà bisan sin-u ha makasaway hu buluhaten day.