Mattayo 26:2 - Bibliyeeda Ghaydit

² “Moanali gideaba iing'ata eawooji iyeenya abeeda gajea ghweelmeeda Basaaka gil, ak gajeatayda Orjeeda Siida eengoor.”

NEAJEEDA EESH BEA BUUNEESSEAN

² “Mwoanali gideaba ing'atta eawooji iyyeenya abeeda gajea ghweelmeeda Basakka gil, ak gajeattayda Balleanda Siida engoor.”

Mattayo 26:2 交叉參考

RITEAYDA 34:25

“Adisabi geadi foojeanda lukghumeedeanyu sea mukaateeyda simwatawiit, ghana lukghumeeda ghweelmeeda Basaaka adagoobiida heeda ea ghoah sakteayda.

Mattayo 10:4

Simoneeda Ganaani ea Yudayda Iskariyote ghayi laabwadaw Yesu.

Mattayo 17:22

Damanda mideayeewa sean aba Galilaya gwayeesha Yesu saawa, “Orjeeda Siida gaygawa ak geayiin geatinga buuneeda,

Mattayo 27:4

Gwayeesha, “Neadiinyi aba gideaba ghaadaydi siida manda giidiinyeanda eenuus.” Gwayeesha Saawa, “Neada ghwadaseasaani aseasa? Ng'asheanji gabeacheeweey ang'iing'i.”

Lukka 22:15

Ak gwayeesha, “Neagasayi muuchi daak Basaakeeni aniini ea agooga heeda miidanyasa hang'weanidooda;

Yohaana 11:55

Abeeda ea nineekiit Basaakeeda fuga Yahudi, gaweay fuga saang'a beawa darooraka ak gaweay Yerusalemu ghoamiidu geat nea mii ghwahidu Basaaka.

Yohaana 12:1

Iimuchu nea ghwashoada eawooji lah aba hiteayda ghweelmeeda Basaaka, ghwahita Yesu Betaniya heeda ghayi abiita Lasarooyda aduuna Yesu miyeedean.

Yohaana 18:2

Nea abeeda Yudayda jea ghwalabwadaw ninyiin, abeeda ghwanal hoowa; aba gideaba eawoojisu iissa gabadiini hoowa Yesu sea ginealangaaschi.

Yohaana 18:32

Ak abeeda gwasa ng'asheanda ghayi rugu Yesu nea ghoahiimu miyeeda jea ghami giduurji.

Yohaana 2:13

Abeeda gwaneekiidean ghweelmeeda Basaaka bea fuga Yahudi, hean ghwascheang'da Yesu gawa Yerusalemu.