Mattayo 2:5 - Bibliyeeda Ghaydit

⁵ Geeyeesha, “Jeeda Betlehemeeda Yudeya aba gideaba gidaghayi ng'oarda sibaneeda,

NEAJEEDA EESH BEA BUUNEESSEAN

⁵ Geeyeeshsha, “Yeeda Betlehemooda Yudeeya aba gideaba gidaghayi ng'waarda sibaneeda,

Mattayo 2:5 交叉參考

Yohaana 7:42

Neada ng'ooruutka ea mayi, Gristo gaygwaleabu dooshta Dawdi, ak gwaleabu Betlehemu gharang'da abiita Dawdi?”

RUTI 1:1

Nea aba damanda ambaliischeewa fuga laja girgweaguutka abeeda gwanda jeeda ng'eanyiida geejeeda, ak siyagi bea Betlehemeeda Yuda gawa ghamway ng'eanyiida Moabu, niny ea gatmoadaanyi ea orjoagaaschi asiyeenya.

1 SAMWELI 16:1

Gwayeesha NG'UTAMIIDA Samweli, “Gaygiisana, aba badayda Sawli ea ghoah eeju, aba gideaba naaheawi niny ea moawa sugoocheanda jea goombal Israeli? Anyiida gujaweadaang'u nagheeda, ak guwi; gaydanung' una heeda Yese aba Betlehemu, aba gideaba naaloachi orjeanagi aba jeeda orjoagaaschi ghoah sugoocheanda.”

RUTI 2:4

Ng'ata, ghwahidu Boasi nea gwaleabu Betlehemu; ak gwayeesha fuga lach booga, “Gagasa andeawana NG'UTAMIIDA.” Hean ghwasha saawa nea gwayeesha, “Nung' gagoonyi NG'UTAMIIDA ghawooda.”

RUTI 4:11

Hean buuneeda sean mida ghuuta dooshta, ea gweargwa gwayi, “Geewooschi mushoodiga. Gagasa NG'UTAMIIDA ghwanung' gatmooni jea ghwahidu gheang'uun, gawuurji Raheli ea Leya, ghayi deas gheeh Israeli. Gagasa baruura aba Efrata ak gagasa eanalnyi aba Betlehemu;

RUTI 1:19

Hean gaweay iyeenyeeda nyaawa ea ghwahita Betlehemu. Ng'ata nea nihita Betlehemu, hean ghahamng'eanyi fuga sean mida jeeda mujiini damanda nyas iita nyaawa; ak hean gwayi gadeemga, “Nih mii Naomihi?”

YOSHUWA 19:15

Gatati, ea Nahalali, ea Shimroni, ea Idala, ea Betlehemu mujiinaji damaniyeenya sea gharang'weaka nyaawa.

GIING'EETA 35:19

Hean ghami Raheli, ak geebung'sa ghuuta naweeda gal Furati (nea Betlehemu),

Mattayo 2:1

Damanda sijiila Yesu aba Betlehemeeda Yudeya, damanda waseewa Herode sugoocheanda. Ng'ula, ghwahidu Yerusalemu weaghoodiga leabu heeda ghayeawa nea gwayi,

Mattayo 2:4

Gaguursa ashoohoodiga hees sean ea ng'oorshoodiga buuneeda ak ghoanyaash heeda jea eejiilsa Gristo.

FUGA LAJA GIRGWEAGUUTKA 17:7

Nea gwanda siisi was gheareemaneeda leabu Betlehemeeda Yuda, was siida gheeh Yuda, was siida eemeeda Lawi, ak goobiida hoowa nea rabascheanda.