Giidaheechta 3:1 - Bibliyeeda Ghaydit

¹ “Heeda malaykajeanda ganiiseeda Sardi ng'oara: ‘Suh ng'asheega ninyeeda mideawa gurooruunat ispwa bea ASEETA ea miinga asispwaan gil. “‘Ghaanali gadiyoojigaagu; gideaba gindeawi gheawunga majeeknata, nea nimeawi.

NEAJEEDA EESH BEA BUUNEESSEAN

¹ “Heeda malaykajeanda ganiiseeda Sardi ng'waara: ‘Suh ng'asheega ninyeeda mideawa guroruunat ispwa bea Aseetta ea miinga assispwaan gil.’ ‘Ghaanalli gadiyoojigaagu; gideaba gindeawi gheawunga majeeknatta, nea nimeawi.

Giidaheechta 3:1 交叉參考

Lukka 15:24

aba gideaba orjeeni iteanyuun ghayi nimi, ak ghamneawa ea niduudu; ghayi niroat ak ghamneawa ea sinyas.’ Ak geebiisa eang'eat hooseaneega.

Lukka 15:32

Ak gicha iisihoosan ghwahit geeng'weela aba gideaba orjeeni bea geamaduun ghayi nimi, ak ghamneawa ea niduudu, ghayi niroat, ak ea sinyas.’”

Yohaana 1:16

Aba hidoadaanyi aseasa sinyaschi dagheerjeanduumeeda nea geetaguurji.

Yohaana 1:33

Eara aniini abeeda mwaanali; amadu ghwanung' siidida ghayi ajeaknean deabaatiisan aba beegean gwarukunean gideaba, ‘Siidida jea daaha nea gwashuubeesa Guroorooda ak goobissa uhuudaanyiin siida nih diita jea goobaatiisan aba Guroorooda Ghaydidiin.’

Yohaana 20:22

Ahiit rukunoodeaba ng'asheesu gaguussa jeameeda nea gwayeesha, “Oang'waanya Guroorooda Ghaydit.

Yohaana 3:34

Aba gideaba siida ghayi ajeagu ASEETA iissa gabaloola ng'asheega ASEETA ak ghoadaw guroorooda nea moodeena;

Gadiyeeda Giijasoodiga 2:33

Nea geetiing'da ea ghwahita meatkweeda geatinda dugwa bea ASEETA, iidu nea ninyas aba heeda Bwaabwa heeleesiinda Guroorooda Ghaydit, ng'ata goodalealsa gidida oadaayi nea ghoayiinyiin.

Efeeso 2:1

Ak gagooneegwa eaweega, nea abeeda ea noomeewayi aba giidiinyeanyeeka ea riing'eega,

Efeeso 2:5

earapeadi ghayi simeewayi aba giidiinyeanyeekaasaan, iidu ghwanung' eeduutuuna sea Gristo, (aba dagheerjeanduumeeda silealneegwa),

Golosaayi 2:13

Hean agooga, goomeewayi aba riing'eegeagwa ea aba sasanuukeagwa meayaada ghasmeahooda, iidu ghoadaw ASEETA eaweega sea niny, ak ea nisamseasa riing'eegaasa sean,

1 Dimotteo 5:6

Nea masinung'weanda moamu ghoang'waay geaw aba ng'asheega munyas nih nimi eara eeng'ula nea gudea majeek.

Yakkobo 2:26

Aba gideaba gawuurji saseeda iimanda guroorooda ea nimi, gwasunu eara masaweega iimandeawana gadiyeeda ea nimi.

1 Betro 1:11

goonyeariida siida was ghana damanda ahiimu Guroorooda Gristo mida jeenyaawa damanda rukuna sawanadeeda Gristo ea giigheambiita jea iimuchu ghwahidu.

Yuuda 1:12

Suh geeyeata ghuusi aba ghweelmajeegeagwa, aba damanda leeshoodeang'wa iyoabwachi geat, nea iissa goong'ulayi geat; shamooghuutka manda beega, nea iissa ghwaat jeameeda; geediga manda haghweega doomeelda shing'da, nimeewa deabiyeenya, ak gealoata;

Giidaheechta 1:11

“Ng'oorsiina haleanjeeda idaahi jeeda gitaabu ak giyeasi ganiisajeega asispwa, dea Efeso ea Smirna ea Bergamo ea Diyatira, ea Sardi ea Filadelfiya ea Laodikiya.”

Giidaheechta 1:16

ak ghoang'waanya miin ispwa aba geatindaanyi bea dugwa, ak gwarina ghuutaanyi ng'uta shidaat meadajeega sean, ak gheamamdaanyi gawuurji aseeta dagu muuchi.

Giidaheechta 1:20

Makcheameedeaba miingiga as ispwa ideaksi geatindeanyu bea dugwean, ea hoorgajeegiga as ispwa meeng'meeng'iin, miingiga as ispwaan, malaykajeega ganiisajeegiga as ispwaan ak eara hoorgajeegiga as ispwa meeng'meeng'iin ea ganiisajeegiga asispwaan gil.

Giidaheechta 1:4

Yohana heeda ganiisajeega asispwa mida Asiya: Gagasa anyasa dagheerjeanduumeeda ea hoyyooyda leabu heeda dea mida ea dea bean gwanda dea jea ghwahidu, leabu heeda gurooruunat ispwa mida madeeda hoorgeadaanyi bea sugoocheanduumeeda,

Giidaheechta 2:13

“‘Ghaanali heediibiiti, heeda mida hoorgeeda gheambalmeeda Shataani gil; ak ang'iing'i ea niing'waanyi muuchi gheawungeasu, ak ea mii heawana masaweegeasu eara damandida bea Antipa was muuwshoocheandeanyuun, was siideanyu doabiiwaat, sinuuksa bugusteang'wa, was heeda abiita Shataaniin.

Giidaheechta 2:19

“‘Ghaanali gadiyoojigaagu, ea bariinyeagaagu ea masaweagaagu ea gidigadiyeati ea milikghteaydaang'u nea giihang'waanyi, ak gicha gadiyoojigaagu huuydean ghang'al gea ghayi bea madeeda.

Giidaheechta 2:2

“‘Aniini ghaanali gadiyoojigaagu, ea sawanadeadaang'u ea milikghteaydaang'u nea giihang'waanyi, ea gida miimuustani milikghta fuga munyas iissa ginyo ghanyi sima fugiga guura geat giijasoodiga nea mawoosean, ak gidaahi gideaba gaba ng'uya;

Giidaheechta 2:9

“‘Ghaanali sawanadeadaang'u ea barbarandaang'u, (ak guwoosi meanang'oocheanda), ak ghaanali eara giing'weakeaba fiisu eena geewooschi fuga Yahudi nea mawoosean, nea saawa ea ghooriida siinealshacheewa bea Shataani.

Giidaheechta 3:15

“‘Aniini ghaanali gadiyoojigaagu: gideaba muwoosi garbabu nea muwoosi gharaat. Ghang'wana guwoosi garbabu ghana woosa gharaat!

Giidaheechta 3:2

Ang'wearni, ak giimajeegi ng'asheega shoada jea gweadu miyeeda, aba gideaba mii dadeaksa gadiyoojigaagu alooheeda aba madeeda ASEETEANYU.

Giidaheechta 3:8

“‘Aniini ghaanali gadiyoojigaagu. Ng'ula, aniini naayiinyi madeadaang'u gidaghuuta jaadaat, moamu sih ghwarat; aniini ghaanali gideaba gindeawi Uri mwanang', ea gideaba giing'waanyi ng'asheandeanyu ak ea mii shaang'a gheawungeasu.

Giidaheechta 4:5

Nea heeda hoorgeeda gheambalmeeda iissa gwarina dadamandeeda, nea ghuusiga ea nyeashta gighweendandeeda, nea madeeda hoorgeeda gheambalmeeda ghwayeat gheaboonyan ispwa bea beasta, nea gurooruunat ispwa bea ASEETA;

Giidaheechta 5:6

Hean ghaadaayi aba dageascheeda hoorgeedida bea gheambalmeedean ea diyeangiga majeekcheewi asang'waniin ea bugusteaba gweargiga, ghamiinaada Dayeenda Gisilleanda, nea gawuurji gili silach gheata, nea gaba gujaw ispwa ea gheanyan ispwa, nea Gurooruunat ispwa bea ASEETA gil siicheakta gaweay ng'eanyiisean;